Petropavldyń «Jumysshylar kenti» aýdanynda jeke menshik úıden órt shyǵyp, eki adam qaza boldy.
Qalalyq TJ basqarmasynyń bastyǵy, azamattyq qorǵaý podpolkovnıgi Dmıtrıı Rastıhınniń aıtýyna qaraǵanda, órttiń shyǵý sebebi – turmystaǵy órt qaýipsizdigi erejelerin saqtalmaýdan sııaqty.
«О́rttiń kóp bóligi peshti ornatý jáne paıdalaný kezinde órt qaýipsizdigi erejelerin buzý, elektr jabdyqtaryn montajdaý jáne tehnıkalyq paıdalaný erejelerin buzýdan ekeni kórinip tur» dedi ol aldyn ala jasalǵan saraptamaǵa súıenip.
Sonymen birge úı ıeleriniń masań kúıde bolýy múmkin ekendigi de atalyp ótti.
О́rt sóndirýshiler qyzmetiniń bastyǵy tilsiz jaýdyń oblystaǵy jalpy ahýaly týraly da aıtyp ótti.
«Jyl basynan beri oblys aýmaǵynda 77 órt boldy. Al byltyrǵy jyldyń sáıkes merziminde órt sany 122 bolǵan edi. Demek, órt sany 36%-ǵa tómendegen. Alaıda muny mise tutýǵa bolmaıdy. О́ıtkeni órttiń saldarynan qaza bolǵandar sany 11 adam, sonyń ishinde ekeýi - balalar. Materıaldyq shyǵyn 7 mln teńgeden asty» deı kelip ol turǵyndardy árkez tilsiz jaýdan saq bolýǵa shaqyrdy.
PETROPAVL