Soltústik Qazaqstanda medısınalyq saqtandyrýdy engizýdiń alǵashqy aılarynyń ózinde halyqtyń konsýltatıvti-dıagnostıkalyq qyzmetterin alýdyń kóbeıgenin kórsetip otyr. Ondaı qyzmetter qańtar aıynda byltyrǵy jyldyń sáıkes merzimimen salystyrǵanda toǵyz ese artqan. Sonyń ishinde buryn asa qymbat bolyp kelgen qoljetimsizdikteriniń ózi de kóbeıýde. «Tipti nevrologııa sekildi salalardaǵy pasıentterge kórsetilgen qyzmet burynǵydan bir jarym ese artty. Qarjylandyrý arta tússe biz bıznestiń esebinen qyzmetter sanyn kóbeıtýdi kózdep otyrmyz», dedi «Áleýmettik medısınalyq saqtandyrý qorynyń» Soltústik Qazaqstan fılıalynyń dırektory Larısa Gordeeva.
Keshe Taıynsha aýdany medısınalyq mekemeleriniń osyndaı qyzmetterge qol jetkizý deńgeıi qandaı ekendigi BAQ ókilderine kórsetildi. Sonyń ishinde jýrnalıster Taıynsha aýdandyq kópbeıindi aýrýhanasyna bardy. Munda KT jáne tomografııa qyzmetteriniń syrqattarǵa qalaı jasalatyndyǵy jýrnalısterge tanystyryldy. Pasıentter mamandarǵa ózderiniń rızashylyǵyn bildirip jatty. Aýyldyq aýrýhanada osyndaı qyzmetterdiń kórsetiletindigi olardy úlken qalalarǵa barý muqtajdyǵynan qutqaryp, bálenbaı myń teńgesin únemdep qalatyndyǵy belgili boldy. Osynyń bári medısınalyq-áleýmettik mindetti saqtandyrýdyń arqasynda qol jetkizilip otyrǵan jetistik ekendigi aıtyldy. «Biz qazir tipti pallıatıvtik kómekti de jasaı alamyz. Sonyń ózine de qol jetkizip otyrmyz. Jańadan ashylǵan oryn syrqaty qaýipti naýqasty túni boıy baqylaýǵa múmkindik beredi», deıdi aýrýhananyń bas dárigeri Anatolıı Rafalskıı.
Bıyl respýblıka boıynsha pallıatıvti kómekke 3 mlrd teńge bólingen bolsa, sonyń 179 mln teńgesi Soltústik Qazaqstannyń úlesine tıgen eken.
Soltústik Qazaqstan oblysy