Mańǵystaý oblysynyń Antıkor ortalyǵynda Qazaqstan Respýblıkasynyń Porttar ákimshiligi, Mańǵystaý oblysynyń Kóliktik baqylaý ınspeksııasy, Qazaqstan Respýblıkasynyń Saýda jáne ıntegrasııa mınıstrligi Tehnıkalyq retteý jáne metrologııa komıtetiniń Mańǵystaý oblysy boıynsha Departamenti basshylary men jeke quramynyń qatysýymen semınar ótti. Bul týraly Qazaqstan Respýblıkasynyń Sybaılas jemqorlyqqa qarsy is-qımyl agenttiginiń Mańǵystaý oblys boıynsha departamenti baspasóz qyzmeti habarlady.
Sybaılas jemqorlyqqa tózbeýshilikti kórsetetin qundylyqtar júıesin saqtaýǵa jáne nyǵaıtýǵa baǵyttalǵan sharada Sybaılas jemqorlyqqa qarsy qyzmet Departamentiniń mamandary N.Muqataı, E.Sısenalıev jáne Qazaqstan Respýblıkasynyń Memlekettik qyzmet agenttiginiń Mańǵystaý oblysy boıynsha departamentiniń bas mamany Q.Nyshanbaev baıandama jasady.
Shara barysynda E.Sısenalıev memlekettik jáne kvazımemlekettik organdardyń qyzmetine ishki jáne syrtqy taldaý júrgizý týraly tolyq maǵlumat berip, departamentpen jasalǵan syrtqy taldaý nátıjelerine sholý jasady.
Sonymen qatar memlekettik qyzmetkerler tarapynan qoıylǵan suraqtarǵa tushymdy jaýaptar berilip, «1424» fılmin tamashalaýmen aıaqtaldy.