Soltústik Qazaqstan oblysynyń ákimdiginde ákimniń orynbasary Rýslan Álishevtiń tóraǵalyǵymen oblystyq evakýasııalyq komıssııanyń kezekten tys otyrysy ótti.
Komıssııa músheleri kóktemgi sý tasqyny kezinde tótenshe jaǵdaılar týyndaǵan jaǵdaıda turǵyndardy ornalastyrý jáne qaýipsizdigin qamtamasyz etý kezinde oblystyq, qalalyq jáne aýdandyq evakýasııalyq komıssııalardyń daıyndyq jaǵdaıy týraly máseleni qarady.
R.Álishev qatysýshylardyń nazaryn azamattyq qorǵaý qyzmetteriniń aldaǵy sý tasqynyna daıyndyǵynyń mańyzdylyǵyna, evakýasııalyq is-sharalardy jedel ótkizýge, adamdar ómiri men materıaldyq qundylyqtardy qutqarýǵa aýdardy. «Qazir eń basty mindet - halyqty jáne úı janýarlaryn sý basý aımaqtarynan kóshirýge, adamdarǵa alǵashqy kómek kórsetýge baılanysty barlyq sharalar jasaýǵa daıyn bolý. Sonymen qatar, barlyq deńgeıdegi azamattyq qorǵaý qyzmetteriniń ózara kelisimdi is-qımyldaryna basa nazar aýdarý kerek», - dedi ol. Evakýasııalyq komıssııanyń daıyndyq jaǵdaıy týraly Departamenttiń azamattyq qorǵanys bóliminiń bastyǵy maıor Murat Qanǵojınov baıandama jasap, is- sharaǵa qatysýshylardy oblystaǵy jumystyń jaı-kúıimen tanystyrdy.
Aýdandyq evakýasııalaý komıssııalarynyń jumysyna júrgizilgen tekserýdi esepke ala otyryp, ol oblys aýdandaryn evakýasııalaý josparlaryn naqtylaý, olarda jergilikti atqarýshy organdardyń, azamattyq qorǵaý qyzmetteriniń, uıymdar men sharýashylyq obektileriniń ózara is-qımyl deńgeıin egjeı-tegjeıli kórsetý qajettigin atap ótti. «Osy ýaqytta deıin úlken jumys atqaryldy. Evakýasııalyq is-sharalardy ótkizý úshin tartylatyn kúshter men quraldardyń esebi júrgiziledi». - dep atap ótti ol.
Soltústik Qazaqstan oblysy