Mańǵystaý oblysy kóleminde 7 sanıtarlyq karantındik pýnkt jumys isteıdi. Onyń ishinde 2-ýi avtókólik beketindegi «Temir-Baba», «Tajen», 2-ýi Aqtaý, Quryq teńiz porttarynda, 1-ýi áýejaıda, 2-ýi temirjoly kóliginde «Bolashaq» stansııasy, «Oazıs» Beıneý stansııasynda. Barlyq SKP - da kelgen azamattardyń barlyǵy teplovızormen tekserilip qaralady. Bul týraly Mańǵystaý oblysy óńirlik kommýnıkasııalar ortalyǵynda ótken brıfıngte aıtyldy.
Mańǵystaý oblysy kóleminde shet memleketterden keletin azamattardy Qazaqstan Respýblıkasynyń shekarasynan ótkizý barysynda arnaıy sanıtarlyq karantındik pýnktterdiń bólimshelerinde mamandarmen qyzmet kórsetiledi, dedi Mańǵystaý oblysy densaýlyq saqtaý basqarmasynyń basshysy Ánýar Saǵymbaev.
Halyqaralyq áýejaıdaǵy sanıtarlyq karantındik pýnktterine kómekke Aqtóbe qalasynan 4 maman, Obaǵa qarsy kúres stansııasynan jáne Mańǵystaý oblysynyń taýarlarmen kórsetiletin qyzmetterdiń sapasymen qaýipsizdigin baqylaý Departamenti mamandary jumyldyryldy.