Prezıdent janyndaǵy Ortalyq kommýnıkasııalar qyzmetinde azamattyq qorǵaý organdarynyń sý tasqyny kezeńine ázirligine arnalǵan brıfıng ótti.
Is-sharaǵa Qazaqstan Respýblıkasy Ishki ister mınıstriniń orynbasary Iýrıı Ilın qatysty.
Iýrıı Ilın atap ótkendeı, IIM ortalyq jáne jergilikti atqarýshy organdarmen birlesip kóktemgi sý tasý kezeńinde tótenshe jaǵdaılardyń týyndaý qaýpin azaıtý boıynsha is-sharalar keshenin júrgizýde.
Nur-Sultan qalasynda, Aqmola, Shyǵys Qazaqstan, Qaraǵandy, Qostanaı, Pavlodar jáne Soltústik Qazaqstan oblystarynda jaǵdaıdyń qıyndaýy óte yqtımal.
Aǵymdaǵy jyldyń sý tasqyny qaýipti kezeńine daıyndyq maqsatynda, kúzgi kezeńde (2019 jyl) elimizdiń óńirlerinde 165 shaqyrym qorǵanys bógetterin salý jáne jóndeý; sý tasqyny qaýpi bar ózenderdiń 375 shaqyrym arnalaryn jaǵalaýdy bekitý, túbin tereńdetý, túzetý; 156 shaqyrym sý burý arnalaryn ornatý; 6 myń km arnalardy (3513 dana), aryqtardy (4709 dana) jáne 17 myń birlik avtokólik jáne t/j kópirleri astyndaǵy sý ótkizý qurylystaryn (13031 dana avto jáne 4119 dana t/j) tazartý boıynsha jumystar júrgizildi.
Jergilikti atqarýshy organdardyń sý basýyna jol bermeý maqsatynda eldi mekenderden 11,5 mln. astam tekshe metr qar shyǵaryldy,
JJM (qazir – 13,8 myń tonna), ınertti materıaldar (157,6 myń tonna), qaptar (940 myń dana) jáne jarylǵysh zattar (48 tonna) qory qalyptastyrylýda.
Sonymen qatar, sý tasqyny qaterleriniń aldyn alý jáne olardy joıý jónindegi jol kartasy iske asyrylýda (2017-2020 jyldarǵa arnalǵan), ótken 3 jyl ishinde sý tasqyny áserine ushyraǵan 1046 eldi mekennen 437 eldi mekende sý basý qaýpin boldyrmaýǵa jáne 287 eldi mekende sý basý qaýip-qaterin barynsha azaıtýǵa múmkindik berdi.
Yqtımal sý basý jaǵdaıyna evakýasııalanatyn halyqty qabyldaıtyn 1707 beket ázirlendi, marshrýttar jańartyldy, qajetti kólik bólindi.
Evakýasııalanǵan halyqtyń tirshiligin qamtamasyz etý úshin ákimdikter qajetti quraldar (shatyrlar, kereýetter) daıyndady. Azyq- túlik pen aýyz sý qory jasaldy.
Sý tasqyny jaǵdaıynyń yqtımal qıyndaýyna jedel den qoıý maqsatynda ishki ister organdarynan jalpy sany 9 myń adam jáne 1730 birlik tehnıkadan arnaıy kúshter men quraldar toptamalary quryldy.
Jekelegen óńirlerde sý tasqyny jaǵdaıy shıelenisýi múmkin jaǵdaıǵa qosymsha jiberý úshin TJK jáne Ulttyq ulannyń aýmaqtyq bólimsheleriniń kúshteri men quraldarynyń rezervtik toptary daıyndaldy.
25-26 aqpanda «Kóktem-2020» respýblıkalyq komandalyq-shtabtyq oqý-jattyǵý barysynda azamattyq qorǵaý basqarý organdarynyń, kúshter men quraldardyń is-qımyldary is júzinde pysyqtaldy, Basqarý shtaby Nur-Sultan qalasynda boldy.
Sý tasqyny kezeńiniń ótýi IIM, ortalyq jáne jergilikti atqarýshy organdardyń baqylaýynda.