Dál osy kúnderi Almaty qalasynda koronavırýs ınfeksııasy (1a sanaty) boıynsha qolaısyz elderden kelgen adamdardy karantındeý 2 juqpaly stasıonarda júrgizilip otyr: eresekterdiń qalalyq ınfeksııalyq aýrýhanasynda, balalardyń qalalyq ınfeksııalyq aýrýhanasynda, sondaı-aq 4 kóp salaly medısınalyq ortalyqta.
Aǵymdaǵy jyldyń 11 naýryzynda 1a sanaty boıynsha qalada 490 adam karantınde.
Karantındegilerde eshqandaı kataraldyq qubylystar men qyzý joq. Eske salsaq, eldiń bas sanıtarlyq dárigeriniń qaýlysyna sáıkes, koronavırýs tirkelgen elderden kelýshilerdiń barlyǵy mindetti 14 kúndik karantınge oqshaýlaýlanady. Olar – QHR, Ońtústik Koreıa, Iran jáne Italııa sııaqty elderden kelýshiler ári 1 a sanatyna jatady.
Qazaqstanda vırýs tirkelmegen. Úkimet jáne ákimdiktervırýstyń enýi men taralýyna jol bermeý úshin naqtyly pármendi sharalardy júzege asyryp otyr. Aýrýhanalarǵa kelýshiler kóp bolǵandyqtan, epıdemııalyq shıelenis kezeńinde qala bıligi osy sanattaǵy azamattardy karantındeý úshin qosymsha stasıonarlardy ashylǵan.
Indettiń qala men respýblıka halqynyń arasynda taralmaýy úshin naqtyly is- sharalar qolǵa alynyp jatyr.
Quzyrly oryndar mundaı is-sharalarǵa túsinistikpen qaraýdy suraıdy. 14 kúndik karantın aıaqtalǵannan keıin medısına qyzmetkerleri tarapynan 10 kún ishinde telefon qońyraýy shalynady. 1 B sanatyna jatatyndar – Fransııa, Germanııa, Ispanııa elderinen kelgender. Atalǵan sanattaǵy adamdar úı jaǵdaıynda oqshaýlananady. Bul sanattaǵy adamdarǵa 14 kúndik karantın ýaqytynda qonaqtardyń úıge kelmeýin, týystarymen jáne dostarymen tikeleı baılanysty barynsha azaıtý usynylady. Biz halyqtyń jeke densaýlyǵy jaýapkershilikterin kúsheıtetine úmittenemiz.
Osy kezeń ishinde emhanalyq qyzmet kataraldy qubylystarǵa kún saıyn qońyraý shalýda. Belgiler baıqalsa turǵylyqty/tirkelgen meken-jaıy boıynsha aýrýhanaǵa habarlaý kerek, medısına qyzmetkerleri úıge kelip, tekseredi. Barlyq kelýshi azamattar osy jaǵdaıǵa birdeı qarap, karantın merzimin ustaýy tıis, ony buzǵany úshin ákimshilik aıyppul salynady. Eger adamnyń úı jaǵdaıyndaǵy karantındi buzǵany belgili bolsa, aýmaqtyq emhana taýarlar men qyzmetterdiń sapasy men qaýipsizdigi komıtetine, al olar tıisti organdarǵa shaǵymdanady.
Jalpy Almaty qalasyna tizimge sáıkes 2-sanat boıynsha (Shveısarııa, Ulybrıtanııa, Nıderlandy) shetelderden kelgen adamdar medısınalyq qyzmetkerlerdiń baqylaýynda jáne kún saıyn AMSK qyzmetkerlerimen baılanysta bolady. Atalǵan aazamattar medısınalyq uıymdarda turaqty baqylaýda bolady. Tizimder anyqtalady, tabylmaǵan adamdar kóshi-qon qyzmetine jáne Almaty qalasynyń polısııa departamentine, sheteldik azamattar qosymsha UQK-ke jiberildi.
Eske sala ketsek, Almatyda koronavırýs tirkelgen joq. Qalada koronavırýs ınfeksııasynyń taralýynyń aldyn alý boıynsha О́ńirlik shtab jumys isteıdi. Sanıtarly-karantındi baqylaýdyń kúsheıtilgen sharalary júzege asyrylýda. Qaladaǵy jaǵdaı baqylaýda.
Barlyq medısınalyq uıymdar tolyq kólemde dárilik zattarmen jáne medısınalyq qajetti buıymdarmen jabdyqtalǵan, úshin qala boıynsha 3 myńnan astam jeke qorǵanys quraldary medısına qyzmetkerlerin aýrý juqtyrýdan qorǵaıdy. Sonymen qatar, barlyq medısınalyq uıymdar dezınfeksııalaý quraldarymen jáne teri antıseptıkterimen qamtamasyz etilgen.
Koronavırýstyń álemde keńinen taralyp jatqanyn eskere otyryp, qalanyń sanıtarlyq-epıdemıologııalyq qyzmetteri nusqaýlyqtardy oryndaýda, al bul koronavırýstyń enýine qarsy pármendi sharalardyń biri.
Jańa koronavırýs ınfeksııasynyń taralýyn boldyrmaý maqsatynda tómendegideı profılaktıkalyq sharalardy ustaný qajet:
- qoldy, betti sabynmen jıi, muqııat jýý;
- qolǵa arnalǵan quramynda spırti bar antıseptıkalyq quraldardy qoldaný;
- adamdar kóp jınalatyn jerlerden aýlaq bolý;
- naýqas adamdarmen baılanys jasamaý;
- sýyq tııý belgileri (dene qyzýynyń kóterilýi, murynnyń bitýi, jótel, tamaqtyń aýrýy) baıqalǵan kezde, turaqty meken-jaıy boıynsha dárigerge kóriný qajet.
Anyqtama úshin táýlik boıy 1406 nómirindegi Call-ortalyq jumys isteıdi.
ALMATY