2020 jyldyń 11 naýryzynda Baký qalasynda Túrikmenstan Prezıdenti Gýrbangýly Berdimuhamedov Ázerbaıjan Respýblıkasynyń Prezıdenti Ilham Álıevpen kezdesti. Bul týraly Túrikmenstan Syrtqy ister mınıstrliginiń resmı saıty habarlady.
Baýyrlas memleket basshylary eki el arasyndaǵy saıası, ekonomıkalyq jáne mádenı-gýmanıtarlyq saladaǵy yntymaqtastyq deńgeıine joǵary baǵa berdi.
Túrkimenstan kóshbasshysy Ázerbaıjan — beıbitshilikti, turaqtylyq pen qaýipsizdikti qamtamasyz etýde óńirdegi belsendi jumys isteıtin Túrikmenstannyń mańyzdy saıası seriktesi ekenin atap ótti.
Sondaı-aq taraptar energetıka, kólik-kommýnıkasııa salasynda, agrarlyq sektorda, hımııa jáne toqyma ónerkásibinde, qurylys jáne tehnologııalyq bloktarda basym baǵyttardy anyqtady.
Kezdesý barysynda memleket aýmaǵy arqyly Shyǵys-Batys baǵyty boıynsha kólik-tranzıttik dálizderi jáne port ınfraqurylymyn eki jaqty tıimdi paıdalaný máseleleri qaraldy.
Kelissózder aıasynda taraptar memleketaralyq mádenı, gýmanıtarlyq, ǵylymı, bilim berý jáne sport salalarynda baılanystardy damytýdyń jaı-kúıi men keleshegin talqylady.
Kezdesý qorytyndysy boıynsha birqatar mańyzdy qujattarǵa qol qoıyldy.