Shveısarııalyq Sara Markız esimdi saıahatshy eki kontınentti jaıaý kesip ótken. Ol osy saparynda alty memlekette bolyp, segiz aıaq kıim aýystyrǵan kórinedi. Bul týraly egemen.kz tilshisi bigpicture.ru-ǵa silteme jasap habarlaıdy.
Sara Markız Shveısarııanyń soltústigindegi kishigirim aýylda týǵan. Ol únemi tabıǵatpen úndesýge tyrysqanyn aıtypty CNN-ge bergen suhbatynda.
«Iá, bala kúnimnen osyny qaladym. Kishkentaı kezimde tańerteń erte turyp alyp, ormanǵa ketip qalatynmyn. О́zim úshin jańa bir dúnıeni ashatynmyn» deıdi saıahatshy.
Sara Markız 8 jasynda ıtin ózimen birge ertip alyp, ormanǵa barady eken. Sol jerdegi úńgirde uıyqtaýdy ádet qylypty. О́sken saıyn onyń baǵyty da kúrdelene bastaǵan. Saıahatshy Jańa Zelandııany, AQSh-ty jaıaý kesip ótken. Avstralııa boıymen 14 myń shaqyrym júrip, And taýyn baǵyndyrǵan.
Sara 2010 jyly eń kúrdeli saıahattarynyń birine attanady. Ol jolǵa shyǵýdyń aldynda kartany muqııat zerttegen kórinedi.
Úsh jyldyq saparyn Sibirden bastaǵan ol Gobı shól dalasyn Qytaı, Laos pen Taıland arqyly júrip ótken.
Saıahatshy Sara Taılandtan Avstralııaǵa deıin Brısbenge baǵyt alǵan júk kemesimen jetip alsa, Avstralııanyń barlyq jerin jaıaý aralaıdy. Sóıtip, saıahatyn shóldi mekendegi aǵashtyń mańynda aıaqtaǵan.
Ol dál sol jerdi 10 jyl buryn óziniń bastapqy saıahaty kezinde baıqap qalǵan eken.
Gobı shóldi mekenin Sara tek úshinshi saıahaty kezinde ǵana kesip óte alǵan.
Gobıge saıahaty jaıly Sara «Kún óte sýyq ári jeldi boldy. Keıde osynshalyq tómen temperatýrada, ásirese, túnde aman qala alamyn ba, qalmaımyn ba dep te oıladym» deıdi ol.
Fotolar: bigpicture.ru