Premer-Mınıstr Asqar Mamınniń tóraǵalyǵymen jáne Parlament Májilisiniń Tóraǵasy Nurlan Nyǵmatýlınniń qatysýymen ótken Jańǵyrtý jónindegi ulttyq komıssııa otyrysynda «Tuńǵysh Prezıdent – Elbasy N. Nazarbaevtyń bes ınstıtýsıonaldyq reformasyn iske asyrý jónindegi 100 naqty qadam» ult jospary men Prezıdent Q. Toqaevtyń 2019 jylǵy 2 qyrkúıektegi Joldaýyn iske asyrý jónindegi Jalpyulttyq is-sharalar josparyn (JUJ) oryndaý barysy qaraldy. Bul týraly Premer-Mınıstrdiń baspasóz qyzmeti habarlady.
Atqarylyp jatqan jumystar týraly Premer-Mınıstrdiń Birinshi orynbasary – qarjy mınıstri Á. Smaıylov, ulttyq ekonomıka mınıstri R. Dálenov, energetıka mınıstri N. Noǵaev, syrtqy ister mınıstri M. Tileýberdi, saýda jáne ıntegrasııa mınıstri B. Sultanov, aýyl sharýashylyǵy mınıstri S. Omarov, bilim jáne ǵylym mınıstri A. Aımaǵambetov, mádenıet jáne sport mınıstri A. Raıymqulova baıandady.
Paıdalanylmaıtyn aýyl sharýashylyǵy jerlerin olardy alý tetikterin kúsheıte otyryp, óndiristik qyzmetke tartý jumystaryn jandandyrý, aýyldyq jerlerde turatyn, sondaı-aq az qamtylǵan jáne kóp balaly otbasylardan shyqqan daryndy balalardy anyqtaý júıesin engizý, dene shynyqtyrý men buqaralyq sportty damytý, balalar úshin sport ınfraqurylymyn qoljetimdi etý jónindegi sharalar, sondaı-aq Dene shynyqtyrý jáne buqaralyq sportty damytý jónindegi 2020-2025 jyldarǵa arnalǵan keshendi jospardyń jobasy qaraldy.
Úkimet basshysy Ult jospary men Prezıdenttiń 2019 jylǵy 2 qyrkúıektegi Joldaýyn tolyq jáne sapaly iske asyrý boıynsha belsendi jumystardy jalǵastyrýdy tapsyrdy.
Birinshi kezekte ekonomıkanyń basymdyqty sektorlaryndaǵy jańa iri jobalarǵa ınvestısııa tartý kólemin arttyrý, ınvestısııalyq ahýaldy jetildirý, memlekettik basqarý reformasyn júrgizý, salyq júıesin jańǵyrtý jáne t. b. boıynsha tarmaqtarǵa erekshe nazar aýdaryldy.
«Jalpy, basymdyqty salalarda jańa jobalardy qurý úshin zákirli ınvestorlardy tartý boıynsha jumysty jandandyrý qajet», dedi A. Mamın.