Túrkistan oblysyndaǵy 838 eldi mekenniń 101-inde uıaly baılanys joq. Bul oraıda oblystyq Sıfrlandyrý, memlekettik qyzmetter kórsetý jáne arhıvter basqarmasy salalyq mınıstrlikpen birlese atqarǵan jumystar nátıjesinde Beeline baılanys operatory jyl sońyna deıin 82 eldi mekenge uıaly baılanys arnasyn engizbek.
Sondaı-aq bıyl óńirde túrli salalardy sıfrlandyrý maqsatynda 29 jobany júzege asyrý josparlanyp otyr. О́tken jyly oblys kóleminde sıfrlandyrý salasy boıynsha 17 joba iske qosylǵan. Bul týraly О́ńirlik kommýnıkasııalar qyzmetinde ótken brıfıngte basqarma basshysy Elnur О́tebaev málimdedi. О́tken jyly basqarma tarapynan qosymsha 33 jańa memlekettik qyzmet avtomattandyrylǵan. Nátıjesinde oblystaǵy kórsetiletin memlekettik qyzmetterdiń 91,2%-y elektrondy júıege enip otyr.
Bıyl jyl sońyna deıin 177 aýyldyq okrýgte elektrondyq qujat aınalym júıesi engizilmek.
«Oblysta oqýshylardyń qaýipsizdigin qamtamasyz etý úshin «Qazaqtelekom» AQ arqyly Túrkistan jáne Arys qalalarynyń 11 mektebinde beınekameralar ornatylyp, «Qaýipsiz mektep» pılottyq jobasy júzege asyrylýda. Arys qalasynda 6 mektepke 135 beınekamera, Túrkistanda 6 mektepke 162-si ornatyldy. Budan basqa, oblys ortalyǵyndaǵy №13 Naýaı atyndaǵy mektepke demeýshi esebinen bir IT-synyp jáne bir STEM panel qoıyldy. Túrkistan qalasyndaǵy №27 mektepte týrnıket ornatylyp, oqýshylarǵa arnaıy ıdentıfıkasııalyq kartochkalar taratyldy. Sondaı-aq E-kitaphana júıesi pılottyq jobada engizilýde» dedi Elnur Rahymberdiuly.
Basqarmanyń uıymdastyrýymen bıyl Túrkistan jáne Kentaý qalalarynyń 3-D modelderi qurylady jáne aerofotosemka jumystary tolyq aıaqtalmaq. Budan bólek, qosymsha salyq túsimderin arttyrý maqsatynda, sıfrlandyrý qurylǵylarynyń kómegimen arnaıy algorıtm daıyndalǵan.
Túrkistan oblysy