Qazaqstan Respýblıkasy Ishki ister organdary tergeý qyzmetiniń qurylǵanyna 57 jyl tolýy qarsańynda Mańǵystaý oblysy Polısııa departamenti bastyǵynyń orynbasary polısııa polkovnıgi Amangeldi Dosjanovtyń tóraǵalyǵymen PD Tergeý basqarmasynyń tergeýshileri men anyqtaýshylary osy salada kóp jyldar boıy qyzmet etken ardagerler aǵalarymyz Qýandyqov Jumaǵalı, Sarın Qaırat, Saýlebaev Rashıd, Nsanbaev Haırollamen kezdesti. Bul týraly Mańǵystaý oblysy Polısııa departamentiniń baspasóz qyzmeti habarlady.
Bas qosýdyń maqsaty oblysymyzdyń tergeý salasynyń damýyna zor úles qosyp, qyzmetkerlerdiń bilimi men kásibı tájirıbesin arttyrý jolynda ózderiniń eńbekterin aıamaı, barlyq kúsh jigerin salǵan tergeý salasynda qyzmet etken ardager aǵalarmen tergeý salasynyń jas býynymen tanystyrý, osy kisilerdi úlgi tutyp, elimizge adal qyzmet ete otyryp, eńbekte jaqsy nátıjelerge jetýge jol kórsetý.
Sondyqtan azamattardyń polısııaǵa degen senimi tek atqarǵan jumystardyń nátıjeleri boıynsha ǵana belgilenbeıdi, qyzmetkerlerdiń olarǵa degen kózqarasyna, adamgershilik jáne ónege qasıetterine, qyzmetten tys ýaqytta da kópshilik ortada óz-ózin ustaı bilý, ózgelerge úlgi bolatyn qarym-qatynas jasaı bilýine de baılanysty.
Ardagerler qyzmettegi túrli qıyndyǵy men aýyrlyǵynan turatyn belesterdiń barlyǵynan ótip, adal qyzmet atqaryp, eren eńbekteriniń arqasynda halyqtyń ıgiline bólengen.
A.Dosjanov tergeý salasynda qyzmet etken ardagerlerge óz tilegin aıtyp, sóz sońynda Ishki ister organdary tergeý qyzmetiniń qurylǵanyna 57 jyl tolýyna oraı Mańǵystaý oblysynyń tergeý qurylymdary jumysynyń damýyna qosqan zor úlesi jáne úlken uıymdastyrýshylyq sheberlikteri men qyzmettik mindetterin adal atqarǵan úshin Mańǵystaý oblysy PD bastyǵy polısııa general-maıory J.Baqtybaevtyń atynan «Alǵys hatpen» marapattady.