Almaty ákimdigi búgin, 16 naýryzdaǵy saǵat 12.00 kezindegi qaladaǵy sanıtarlyq-epıdemıologııalyq jaǵdaıǵa baılanysty tómendegideı málimdeme jasady.
Koronavırýstyń taralýyna qarsy áreket etý jónindegi shtab Almaty qalasynda koronavırýstyq ınfeksııany juqtyrýdyń 7 zerthanalyq-rastalǵan jaǵdaıy týraly qosymsha habarlaıdy.
Alty naýqas eresekterge arnalǵan juqpaly aýrýlar aýrýhanasynda emdelip jatyr. Almatyǵa Germanııadan ata-anasymen kelgen 2008 jyly týylǵan qyz áýe kemesiniń bortynan balalar juqpaly aýrýlar aýrýhanasyna jeke boksqa jatqyzyldy. Qazirgi ýaqytta qyzdyń jaǵdaıy qanaǵattanarlyq. Aıta ketý kerek, ekıpajdy qosa alǵanda, borttaǵy 12 adam áýejaıdan oqshaýlanyp, taldaý alyndy.
Koronavırýs tirkelgen 7 naýqastyń jaǵdaıy qanaǵattanarlyq. Barlyq pasıentter bekitilgen hattamaǵa sáıkes em alady, vırýsqa qarsy jáne sımptomatıkalyq terapııa ýaqytynda bastaldy.
Naýqastarmen baılanysta bolǵan azamattardyń barlyǵy provızorlyq stasıonarlarǵa 14 kúndik karantınge ornalastyryldy.
Jalpy búgingi kúni Almaty qalasynda 676 adam karantınde jatyr. Almaty qalasynyń ákimdigi barlyq azamattardy, ásirese, úı karantınindegilerdi osy jaǵdaıda óziniń jáne basqalardyń densaýlyǵy úshin barynsha jaýapkershilikpen jáne tilektestikpen qarap, sanıtarlyq-gıgıenalyq erejelerdi ustanýǵa, aýrý belgileri baıqalǵan jaǵdaıda ózin-ózi oqshaýlaýǵa shaqyrady. Úı karantıninde jatqandar oqshaýlaný merzimine shydaýlary kerek.
Anyqtama úshin táýlik boıy 1406 nómiri boıynsha Call-ortalyq jumys isteıdi.