Búgin Qazaqstannyń depozıtterge kepildik berý qory teńgedegi jınaq, merzimdi jáne merzimsiz depozıtter boıynsha usynylǵan eń joǵary mólsherlemelerdi ulǵaıtyp otyr. Búgin keıbir depozıtter boıynsha eń joǵary mólsherlemelerdiń máni qaıta qaraldy. О́zgerister búgin kúshine enedi: bankter endi depozıtterdi edáýir joǵary mólsherlememen qabyldaýǵa quqyly.
Usynylǵan eń joǵary syıaqy mólsherlemelerin qaıta qaraý – bul aqsha naryǵyndaǵy sharttardyń ózgerýine berilgen barabar jaýap. Eske salamyz, bazalyq mólsherleme 9,25 paıyzdan 12 paıyzǵa kóterilip, onyń paıyzdyq dálizi +/- 0,5 paıyzdyq tarmaqqa keńeıtilgen bolatyn.
Uzaq merzimdi jınaq salymdar eń joǵary tabysty salymdar bolyp qala beredi. Bir jyl merzimge ashylǵan jáne tolyqtyrylmaıtyn jınaq salymdar boıynsha usynylǵan eń joǵary mólsherleme 15,1 paıyzǵa, eki jyl merzim boıynsha – 15,5 paıyzǵa ósedi. Bul buǵan deıingi mánderden 1 paıyzdyq tarmaqqa joǵary. Jınaq salymdarǵa degen suranys báseńdegen joq. Kerisinshe aqshanyń quny ózgerip jatqan jaǵdaıda bul salymdar edáýir joǵary tabys ákeledi. Onyń ústine atalmysh salymdar QDKBQ tarapynan qorǵalady.
Tolyqtyrýǵa jáne kez kelgen ýaqytta alýǵa bolatyn merzimsiz salymdar – bul jalpy buqaralyq ónim –mundaı depozıtter barlyq bankterdiń depozıtter jelisinde bar. О́tken aptada merzimsiz salymdar boıynsha usynylǵan eń joǵary mólsherlemerdiń máni qaıta qaralǵan soń, oǵan qosa bazalyq mólsherlemeniń paıyzdyq dáliziniń keńeıtilýine baılanysty QDKBQ búgin bazalyq mólsherlemeniń spredin 0,5-ten 1 paıyzdyq tarmaqqa ulǵaıtty. Bankter búginnen bastap-aq merzimsiz salymdardy 13 paıyzǵa deıingi mólsherlememen qabyldaýǵa quqyly.
Úsh jáne alty aılyq qysqa merzimdi jınaq salymdar QDKBQ-nyń bazalyq mólsherlemeden tys spredti 1-den 2 paıyzdyq tarmaqqa deıin ósirý týraly sheshiminiń arqasynda edáýir joǵary tabysty salymdarǵa aınalady. Búginnen bastap 3 jáne 6 aılyq jınaq depozıtter boıynsha mólsherlemelerdiń eń joǵary máni - 14,0 paıyzdy quraıdy.
QDKBQ merzimdi salymdar boıynsha mólsherlemelerdiń eń joǵary mánin ózgerissiz, ıaǵnı, 10 naýryzda bekitilgen deńgeıde qaldyrdy. Alaıda myna merzimdi depozıtter boıynsha usynylǵan eń joǵary mólsherlemelerdi, dálirek: bir jylǵa ashylǵan depozıtter boıynsha - 12,2 paıyzǵa, eki jylǵa – 12,9 paıyzǵa deıin ósirdi.
«QDKBQ áreketi naryqtyq ádistemege negizdeledi jáne birinshi kezekte qazaqstandyq salymshylardyń múddelerin qorǵaýǵa jáne salymdardy saralaýdyń negizgi qaǵıdasyn saqtaýǵa baǵyttalǵan: barlyq depozıtter ınflıasııadan joǵary tabys ákeledi, al merziminen buryn alýǵa qatysty eń joǵary talaptarǵa ıe jınaq salymdar edáýir joǵary tabystylyq ákeledi», - dep túsindirdi Qazaqstannyń depozıtterge kepildik berý qory tóraǵasynyń mindetin atqarýshy Bota Aqbaeva.
Depozıtter sanaty
2020 jyldyń naýryz – sáýir aılaryna
QDKBQ usynǵan eń joǵary syıaqy mólsherlemeleri
Tolyqtyrylatyn depozıtter boıynsha
Tolyqtyrylmaıtyn depozıtter boıynsha
Merzimsiz depozıtter
13,0% ▲
13,0% ▲
Merzimdi depozıtter
3 aılyq
13,0%
13,0%
6 aılyq
13,0%
13,0%
12 aılyq
11,7% ▲
12,2% ▲
24 aılyq
11,8% ▲
12,9% ▲
Jınaq depozıtter
3 aılyq
14,0% ▲
14,0% ▲
6 aılyq
14,0% ▲
14,0% ▲
12 aılyq
14,0% ▲
15,1%▲
24 aılyq
13,6% ▲
15,5% ▲
Anyqtama
Qazaqstanda 2018 jyldyń qazan aıynan bastap jańa depozıttik jiktelim – merzimsiz, merzimdi jáne jınaq salymdar qoldanylady.
Merzimsiz salym – bul eń úırenshikti depozıt: bank salymy shartynyń qoldanylý merzimi salymshyǵa shotynan aqsha alý jóninde eshqandaı shekteý qoımaıdy: ol aqshasyn kez kelgen sátte paıdalana alady. Bul rette salym boıynsha syıaqy joǵalmaıdy.
2019 jyldyń qyrkúıeginen bastap merzimsiz salymdar boıynsha usynylatyn eń joǵary mólsherleme Qazaqstan Respýblıkasy Ulttyq Bankiniń bazalyq mólsherlemesi negizinde esepteledi. Al bir jyldan joǵary merzimge qabyldanatyn merzimdi jáne jınaq salymdar boıynsha usynylatyn eń joǵary syıaqy mólsherlemeleri básekeli naryqta qalyptasqan syıaqy mólsherlemeleri negizinde esepteledi. Sondyqtan bul salymdar boıynsha tabystylyq joǵary.
Merzimdi salym merzimsiz salymǵa qaraǵandaedáýir joǵary tabystylyq alýǵa, al jınaq salym eń joǵary tabystylyq alýǵa baǵyttalǵan. Bul jerde kóterińki syıaqy mólsherlemesin – aqshany merziminen buryn alýǵa qoıylǵan shekteý úshin beriletin ótemaqy dep qabyldaǵan jón.
Merzimdi salymdar boıynsha aqshany merziminen buryn jartylaı jáne tolyq kólemde alýǵa múmkindik beriledi. Biraq bul jaǵdaıda syıaqy kólemi azaıtylady.
Jınaq salymdar boıynsha merziminen buryn jartylaı alýǵa jol berilmeıdi. Tek tolyǵymen alýǵa bolady. Salymdy merziminen buryn alý barysynda bank eseptelgen syıaqyny jylyna 0,1 nemese odan da tómen paıyzǵa azaıtady. Al aqsha salymshyǵa tek 30 kúnnen keıin ǵana beriledi. Sondyqtan jınaq salym oǵan salynǵan aqshany merziminen buryn paıdalanbaıtyndyǵyna senimdi salymshylar úshin óte tıimdi. Bul salymaqshany kóterińki mólsherlemeler jáne paıyzdardyń kapıtaldanýy esebinen tez jınaýǵa jáne jınaq aqshaǵa joǵary tabys alýǵa múmkindik beredi.
QDKBQ kepildigi teńgedegi merzimsiz jáne merzimdi salymdar boıynsha – 10 mıllıon teńgeni, al jınaq depozıtter boıynsha - 15 mıllıon teńgeni quraıdy. Eger salymdar ár túrli bankterde ornalastyrylǵan bolsa, QDKBQ ár banktegi depozıtterge bólek kepildik beredi.