16 naýryz, dúısenbi Qazaqstan Respýblıkasynyń Prezıdenti ákimshiliginiń jáne Aqtóbe qalalyq máslıhatynyń kelisimi boıynsha oblys ákiminiń ókimimen qala basshylyǵy qyzmetine Ashat Shaharov taǵaıyndaldy. Jańa ákimdi qala aktıvine arnaıy tanystyrǵan óńir basshysy Ońdasyn Orazalın aldaǵy jumysyna sáttilik tiledi.
Ashat Shaharov 1999 jyly Qazaq memlekettik týrızm jáne sport akademııasyn dene shynyqtyrý pániniń oqytýshysy - sport boıynsha jattyqtyrýshy bolǵan.
2002 jyly T.Rysqulov atyndaǵy Qazaq ekonomıkalyq ýnıversıtetin halyqaralyq ekonomıst mamandyǵy boıynsha bitirgen.
2013 jyly RF Prezıdenti janyndaǵy Reseı Memlekettik qyzmet jáne halyq sharýashylyǵy akademııasyn támamdaǵan. Ekonomıka ǵylymdarynyń kandıdaty.
Sambodan úsh márte álem chempıony, eki dúrkin álem kýbogynyń ıegeri, dzıýdodan dúnıejúzilik birinshiliktiń qola júldegeri, Qazaqstannyń eńbek sińirgen sport sheberi.
Sportshy eńbek jolyn 2000 jyly Q.Jubanov atyndaǵy Aqtóbe memlekettik ýnıversıtetinde sport pánderi kafedrasynyń aǵa oqytýshysy bolyp bastady.
2005 jyldyń qarasha aıynan Aqtóbe pedagogıkalyq ınstıtýty dene tárbıesi kafedrasynyń dosenti.
2007 jyldyń sáýir aıynan Aqtóbe oblystyq olımpıadashylar rezervin daıyndaý ortalyǵynyń dırektory.
2013 jyldyń maýsym aıynan beri BQO Qaratóbe aýdanynyń ákimi, 2017 jyldyń shilde aıynan kúni búginge deıin BQO Zelenov aýdanynyń ákimi boldy.