Qaýipti dertke shaldyqqan osy eldegi alǵashqy derek keshe tirkelgen edi. Bul týraly Uz.news agenttigi habarlady.
Osy eldegi alǵashqy koronavırýs deregi keshe Vırýsologııa ınstıtýtynyń zerthanasynda tirkeldi. Ony naýryzdyń 11-i kúni Parıjden ushyp kelgen kelinshek juqtyrǵan.
Sonymen birge búgin tańerteń taǵy úsh adamda juqpaly aýrýdyń belgileri anyqtalǵany belgili boldy. Onyń ekeýi qaýipti indetke shaldyqqan áıeldiń balalary. Qazirgi ýaqytta naýqastyń taǵy 10 týǵan-týysy, bir reıspen ushyp kelgen 23 jolaýshy jáne sol kúni áýejaıda jumys istegen shekarashylar, kedenshiler men áýejaı qyzmetkerleri karantınge alyndy.
Budan bólek, keshe Ystambuldan Tashkentke ushyp kelgen О́zbekstan azamatynan vırýs anyqtaldy, dep habarlady Densaýlyq saqtaý mınıstrligi.