Qazaqstannyń Birikken Arab Ámirlikterindegi Elshisi Madııar Meńilbekov Ábý Dabıde Musylman aqsaqaldary keńesiniń Bas Hatshysy Sultan ár-Rýmeısımen kezdesti. Kezdesý barysynda uıymnyń Bas hatshysyna bıyl maýsymda Nur-Sultan qalasynda ótetin Álemdik jáne dástúrli dinder sezi hatshylyǵynyń kezekti otyrysyna shaqyrý tabystaldy. Bul týraly Syrtqy ister mınıstrliginiń baspasóz qyzmeti habarlady.
Sondaı-aq suhbat barysynda konfessııaaralyq dıalogty nyǵaıtý máseleleri men zamanaýı syn-tegeýrinderdi eńserý joldaryn izdestirýdiń mańyzdylyǵy atap ótildi. Osy rette Sultan ár-Rýmeısı Qazaqstannyń toleranttylyq pen ártúrlilikti dáripteýdegi kóshbasshylyq róline joǵary baǵa berdi. Onyń aıtýynsha, Álemdik jáne dástúrli dinder sezi dástúrli din ókilderiniń basyn qosyp, ortaq problemalardy talqylaýǵa múmkindik beretin biregeı alań bolyp tabylady.
Sonymen qatar kezdesýge «Adamdar arasyndaǵy baýyrlastyq jónindegi joǵarǵy komıtettiń» Bas hatshysy Muhammed Ábdel Salam qatysty. Halyqaralyq uıymdardyń ókilderi Qazaqstandaǵy Sezd «beıbitshiliktiń brendine» aınalǵanyn jetkizip, aldaǵy Hatshylyq otyrysyna belsendi túrde qatysatyndyqtaryn rastady.