Qostanaı oblysy Reseıdiń Chelıabi, Qorǵan oblystarymen shektesip jatqandyqtan, eki el azamattary arasyndaǵy qarym-qatynas jıi, kelimdi-ketimdi jolaýshy kóp. Shekara beketinen táýligine tórt myńdaı adam ótedi. Onyń ústine Reseıden Ortalyq Azııa memleketterine bet alǵan kóliktiń kóbi Qostanaı oblysyn kesip ótedi. Sondyqtan oblystyq Polısııa departamentiniń Kóshi-qon qyzmeti memlekettik shekaradaǵy ýaqytsha shekteýge baılanysty túsinik berip, oblys turǵyndaryn orynsyz dúrligýden saq bolýǵa shaqyrdy.
Shekara asýǵa, birinshiden, shetelge emdelý úshin baratyndardyń quqyǵy bar. Biraq olar shekarashyǵa tıisti qujattary men qabyldaýshy taraptaǵy medısınalyq mekemeniń arnaıy shaqyrtý qaǵazyn kórsetýi tıis. Shetelge shyǵýǵa sonda ǵana ruqsat etiledi. Sondaı-aq Qazaqstanda turýǵa quqyly jáne Qazaqstan azamattarynyń otbasy músheleri bolyp tabylatyn shetel azamattaryna da shekaradan ótýge ruqsat bar.
- TJ rejımi alynǵanǵa deıin Halyqqa qyzmet kórsetý ortalyqtaryna baryp, pasport alý úshin uzyn-sonar kezekke turýdyń qajeti shamaly. О́ıtkeni jeke máseleler, týrıstik týrlar, vahtalyq ádispen jumysqa attaný sııaqty barlyq sapar shektelgen. Barlyǵyńyzdan qabyldanyp jatqan qaýipsizdik sharalaryna túsinistikpen qaraýdy suraımyz. Kúrdeli jaǵdaıdan kúrmelmeı shyǵý úshin bárimiz ár qadamdy aqylmen ólshep, ańdap basýymyz kerek, - dedi Qaırat Dútbaev.
Qazirgi tańda Qostanaı oblysynyń Reseımen shekaralas aýdandarynda 8 sanıtarlyq-karantındik pýnkt qurylǵan. Bul óńirlerde dárigerler, epıdemıologtar men shekara qyzmetkerleri táýlik boıy jumys istep jatyr.
QOSTANAI