5 sáýirden keıin osyndaı naqty jaǵdaı bolatyn bolsa, biz qashyqtan oqytý júıesine kóshýge daıyn bolamyz. Bul týraly Bilim jáne ǵylym mınıstri Ashat Aımaǵambetov aıtty.
«16 naýryzdan bastap 5 sáýirge deıin balalar kóktemgi demalysqa shyqty. Osy ýaqyt aralyǵynda mektep muǵalimderi qashyqtan jumys isteıtin bolady. Kanıkýl aıaqtalǵan soń, qajet bolǵan jaǵdaıda, oqýshylardy qashyqtan oqytý úshin daıyndyq jumystary júrgizilýde. Bul turǵyda arnaıy top qurǵan bolatynbyz. Bul top bir jarym aı boıy jumysyn atqaryp jatyr. Eger 5 sáýirden keıin osyndaı naqty jaǵdaı bolatyn bolsa, onda biz qashyqtan oqytý júıesine kóshýge daıyn bolamyz. Sondyqtan qazirgi ýaqytta biz júıeli kontentpen qamtamasyz etý, ony toltyrý, pedagogtardy úıretý, servısterdi testileý jumystaryn júrgizip, ony 5 sáýirge deıin aıaqtap, qajet bolǵan jaǵdaıda, jańa formatpen jumys isteýdi, ári qaraı oqýdy jalǵastyrýǵa daıyn bolamyz» dedi Ashat Aımaǵambetov.