Premer-Mınıstrdiń birinshi orynbasary – Qarjy mınıstri Álıhan Smaıylov daǵdarys kezeńinde memlekettik satyp alýdyń tártibi qalaı júzege asatynyn aıtty.
- Daǵdarys jaǵdaıy kezeńinde memlekettik satyp alýdyń arnaıy tártibi qoldanylady. Birinshi bul kezekte otandyq taýar óndirýshilerdi qoldaý úshin memlekettik satyp alý jónindegi vedomstvo aralyq jumys toby Qazaqstan aýmaǵynda óndiriletin taýarlar men olardy óndirýshilerdiń tizbesin anyqtaıtyn bolady. Mundaı taýarlardy memlekettik satyp alý jedel jáne jeńildetilgen túrde jáne tek otandyq óndirýshiler arasynda ǵana júzege asyrylatyn bolady. Bul shara jumys istep turǵan bıznesti qoldap qana qoımaıdy, jańa óndiristerdi ashýǵa da yntalandyrady, - dedi Álıhan Smaıylov.