• RUB:
    6.68
  • USD:
    520.93
  • EUR:
    609.07
Basty saıtqa ótý
Qazaqstan 17 Naýryz, 2020

Nur-Sultan jáne Almaty qalalarynda karantın rejımi engizildi

377 ret
kórsetildi

Premer-Mınıstr Asqar Mamınniń tóraǵalyǵymen Qazaqstan Respýblıkasynyń Prezıdenti janyndaǵy Tótenshe jaǵdaı rejımin qamtamasyz etý jónindegi memlekettik komıssııanyń otyrysy ótti. Bul týraly Premer-Mınıstrdiń baspasóz qyzmeti habarlady.

Nur-Sultan jáne Almaty qalalaryndaǵy sanıtarlyq-epıdemıologııalyq jaǵdaı men ahýal týraly Densaýlyq saqtaý mınıstri E. Birtanov, Premer-Mınıstrdiń orynbasary E. Toǵjanov, Nur-Sultan qalasynyń ákimi A. Kólginov jáne Almaty qalasynyń ákimi B. Saǵyntaev, Qorǵanys mınıstri N. Ermekbaev jáne Ishki ister mınıstri E. Turǵymbaev, sondaı-aq, Prezıdent Ákimshiligi basshysynyń orynbasary M. Myrzalın baıandady.

Nur-Sultan jáne Almaty qalalarynda COVID-19 taralýynyń kúrdeli jaǵdaıyn eskere otyryp, sondaı-aq, Qazaqstannyń basqa qalalaryna koronavırýstyń taralýynyń aldyn alý maqsatynda Memlekettik komıssııa Nur-Sultan jáne Almaty qalalarynda qosymsha shekteý, aldyn alý jáne epıdemııaǵa qarsy sharalardy engizý týraly sheshim qabyldady.

Bıylǵy 19 naýryzda saǵat 00:00-de engiziletin sharalar mynalardy qamtıdy:

- karantındi engizý jáne aýqymdy sanıtarııalyq-epıdemııaǵa qarsy is-sharalardy júzege asyrý;

- karantın aımaǵynyń perımetrin belgileý jáne oǵan kirý/odan shyǵý pýnktterin anyqtaý;

- adamdardyń qozǵalysyn, sondaı-aq, kólik quraldarynyń kirip/shyǵýyn shekteý;

- úsh sanat: aýrýdy juqtyrǵandar, ınfeksııaǵa kúdiktiler, karantındegiler sanaty boıynsha arnaıy emdeý mekemeleriniń úzdiksiz jumys isteýin qamtamasyz etý;

- halyqty azyq-túlikpen qamtamasyz etýdi uıymdastyrý jáne tirshilikti qamtamasyz etý júıesiniń jumys isteýine ońtaıly bolýy úshin, azamattardyń qozǵalysyn shekteý úshin qalalar aýmaǵynyń sektorlaryn jáne olardyń shekaralaryn anyqtaý;

- qoǵamdyq kólik qozǵalysyn kúndizgi ýaqytta toqtata turý nemese shekteý jáne túngi ýaqytta toqtatý;

- azyq-túliktik emes saýda bazarlarynyń jumysyn, azyq-túlik ónimderi men dárilik zattardy satatyn nysandardy qospaǵanda, iri saýda-oıyn saýyq ortalyqtary men saýda úıleriniń jumysyn ýaqytsha toqtata turý;

- sanıtarııalyq-epıdemııaǵa qarsy sharalardy kúsheıte otyryp, «klıentterge deıin jetkizý» qaǵıdaty boıynsha qoǵamdyq tamaqtaný nysandarynyń jańa jumys rejımin belgileý;

- HQKO-nyń jumys rejımin qaıta uıymdastyrý;

- karantındik aımaqtardaǵy halyqtyń jáne árbir sektordyń azyq-túlik ónimderine, dári-dármekterge, tirshilikti qamtamasyz etý zattary men alǵashqy qajettilik taýarlaryna táýlik saıynǵy qajettiligin anyqtaý;

- karantındik aımaqtyń árbir sektory úshin qoǵamdyq kólik qozǵalysyn barynsha shekteýdi eskere otyryp, saýda jáne azyq-túlikpen ári alǵashqy qajettilik taýarlarymen qamtamasyz etý ortalyqtaryn anyqtaý;

- uıymdastyrýshylyq sıpattaǵy basqa da sharalar.

Sońǵy jańalyqtar