Tótenshe jaǵdaı qyzmeti sý tasqyny kezinde apattyń aldyn alý jáne muz keptelisterin boldyrmaý maqsatynda ózenderdiń eldi mekenderge jaqyn ańǵarlarynda muz jarý jumystaryn bastady.
Jarylysty «Niksit» seriktestiginiń mamandary júrgizip jatyr. Ony jergilikti atqarýshy organ ókilderinen qurylǵan arnaıy komıssııa baqylaýda. Alǵashqy muz jarý jumystary Maılın aýdanyna qarasty birneshe eldi mekenderdi janaı aǵyp ótetin Áıet ózeninde, Jangeldın aýdanyndaǵy Saǵa aýylynyń mańyndaǵy Saryózende júrgizildi. Tótenshe jaǵdaılar departamenti baspasóz qyzmetiniń málimetinshe, ózen betindegi muzdyń qalyńdyǵy - 0,5-0,80 metr shamasynda. Mamandar, sonymen qatar, muz qalyń jerlerdi burǵylap oıyq jasap jatyr. Eki kún ishinde eldi mekender men kúre joldardyń boıyndaǵy kópirlerdiń mańynda dıametri 9 metr bolatyn 200-ge jýyq muz oıyǵy burǵylanǵan.
Qostanaı