Qostanaı oblysynyń polısııa departamenti aımaq turǵyndaryn karantın jarııalanǵan Nur-Sultan jáne Almaty qalalaryna saparǵa shyǵýdan ýaqytsha bas tarta turýdy suraıdy.
Oblystyń ishki ister organdary qazir tolyqtaı qyzmet atqarýdyń erekshe tártibine kóshti. Qostanaı-Nur-Sultan-Almaty baǵytyndaǵy kúre joldyń boıynda patrýl qyzmeti qoıylyp, tártip saqshylary jolaýshylarǵa juqpaly indetke qarsy el ishinde júrgizilip jatqan is-sharalardyń mán-jaıyn túsindirip, atalǵan eki qalaǵa kirýge jáne shyǵýǵa tyıym salynǵanyn qulaǵdar etýde.
- Tótenshe jaǵdaıǵa baılanysty engizilgen shekteýler eń aldymen azamattardyń qaýipsizdigi men densaýlyǵyn saqtaý úshin qajet. Sondyqtan polısııa qyzmetkerleriniń talaptaryna túsinistikpen qaraýdy suraımyz, - deıdi Jergilikti polısııa qyzmeti basqarmasynyń bastyǵy Qurmet Májikenov.
Qostanaı