Nur-Sultan qalasy Polısııa departamentiniń basshysy Erjan Sádenov qalaǵa kiretin barlyq jerler jabylyp, 6 arnaıy qadaǵalaý beketi qoıylǵanyn aıtty.
Qalaǵa kiretin barlyq jer jabylyp, 6 arnaıy qadaǵalaý beketi qoıyldy. Onda táýlik boıy Qorǵanys mınıstrliginiń áskerlerimen birge polısııa qyzmetkerleri jumys isteıdi. Bul beketter elordanyń mańynda Jibek joly, Qosshy, Qaraótkel, Talapker jáne Qoıandy aýyldarynyń mańynda ornalasqan, - dedi Erjan Sádenov.
Sondaı-aq ol departementte jedel shtab qurylǵanyn atap ótti. Onyń aıtýynsha, onda azamattar tarapynan týyndaǵan máseleler qaralyp, shuǵyl túrde sharalar qabyldanady. Karantındik rejımdi buzýǵa jol bermeý boıynsha azamattarmen jáne jeke kásipkerlermen birge jumystar júrgizilýde.