Túrkistan oblysyndaǵy barlyq aýrýhanalarda koronavırýstyń taralýyna jol bermeý sharalary kúsheıtildi. Emdeý mekemeleri jappaı karantınge kóshti.
О́ńirlik kommýnıkasııalar qyzmetinde ótken brıfıngte Túrkistan qalalyq ortalyq aýrýhanasynyń bas dárigeri Janbolat Dildábekov pen Kentaý qalalyq ortalyq aýrýhanasynyń bas dárigeri Gúlbaný Syzdyqova álemdi dúrliktirgen pandemııaǵa qatysty saqtyq sharalary týraly málimdedi. Tótenshe jaǵdaıdyń engizilýine baılanysty barlyq aýrýhanalarda naýqastarǵa kelýshilerdiń ishke kirýine ruqsat joq. Al, emhanalar óz jumys kestelerine sáıkes qyzmet kórsetýde. «Kentaý qalalyq aýrýhanasynda naýqastardy oqshaýlaýǵa arnalǵan 50 tósek - oryn bar. Medısına qyzmetkerleriniń barlyǵy derlik arnaıy dáris alǵan. Búginde aýrýhanada 75 dáriger, 240 orta býyn jáne 150 kishi býyn medısınalyq qyzmetkerleri jumys isteýde. Qajettilik týyndasa rezervtegi dárigerler jumyldyrylady», - dedi Kentaý qalalyq aýrýhananyń bas dárigeri Gúlbaný Jumaǵalıqyzy.
Al, Janbolat Berdibaıuly COVID-19 ınfeksııasymen kúreske Túrkistan qalalyq aýrýhanasynda 60 dáriger jáne 150 orta býyn medısınalyq qyzmetkerleri daıyn ekenin atap ótti. Infeksııalyq stasıonarda 50 tósek - oryn jasaqtalǵan. Sondaı-aq, aýrýhana vırýsqa qarsy jáne dene qyzýyn túsiretin, qarqyndy terapııa úshin qajetti preparattar qorymen, qorǵanys kıimderi, dezınfeksııalyq zattarmen qamtamasyz etilgen.
Túrkistan oblysy