Aqmola oblysynda arnaıy áleýmettik qyzmet kórsetý ortalyqtarynda qaýipsizdik sharalary kúsheıtilip, dezınfeksııalyq sharalardy júrgizýdiń arnaıy kestesi bekitildi. Sondaı-aq, óńirge shetelden jumys kúshin ákelýge ruqsat qaǵazdaryn berý toqtatyldy. Búginde oblystaǵy 15 kásiporynda shetelden kelgen eńbek mıgranttary jumys isteıdi.
Oblystaǵy arnaıy áleýmettik qyzmet kórsetý ortalyqtary búginde 1322 adamǵa qyzmet kórsetedi. Olardyń qaýipsizdigin qamtamasyz etý maqsatynda barlyq stasıonarlar karantınge jabyldy.
– О́ńirde 10 ınternat úıi bar. 6-ýy psıhonevrologııalyq ortalyq. Balalar men qarttarǵa 790 maman qyzmet kórsetedi. Qaýipsizdikti kúsheıtý maqsatynda ortalyqtarda dezınfeksııalyq rejım engizildi. Mamandar jappaı maska taǵady. Tazalyqqa erekshe mán berilýde. Ortalyqtarda azyq-túliktiń 2-3 aıǵa jetetin qory bar. Maska da jeterlik. Qazir 20 myń danasy tur,–deıdi oblystyq jumyspen qamtý jáne áleýmettik baǵdarlamalardy úılestirý basqarmasynyń jetekshisi Dına Ahmetjanova.
О́ńirge shetelden jumys kúshin tartý maqsatynda bıyl 161 kvota berý qarastyrylǵan. Eki aıda onyń 5-ýine ruqsat berilgen. Elde jarııalanǵan tótenshe jaǵdaı rejımine sáıkes qazir shetelden keletin eńbek mıgranttaryna ruqsat berý toqtatyldy. Aıta keteıik, óńirdegi 15 kásiporynda shetel azamattary eńbek etedi.
–Bul úrdis ýaqytsha toqtady. Qazirde elimizde 29 ruqsat qaǵazymen jumys istep jatqan shetel azamaty bar. Olardyń merzimi uzartyldy,–deıdi oblystyq jumyspen qamtý jáne áleýmettik baǵdarlamalardy úılestirý basqarmasynyń jetekshisi Dına Ahmetjanova.
Koronavırýstyq ınfeksııanyń taralýyna jol bermeý maqsatynda jekelegen uıymdardyń qyzmeti shektelgen. Sondyqtan, búginde birqatar eńbekkerler tolyq emes jáne qashyqtyqtan jumys isteýge kóshirildi.
–Eńbek Kodeksiniń 112-babyna sáıkes aqy tóleý talaptary eńbek, ujymdyq sharttarymen aıqyndalady jáne jalaqynyń eń tómen mólsherinen, ıaǵnı, 42500 teńgeden kem bolmaıtyn mólsherde belgilenedi,–deıdi oblystyq eńbek ınspeksııasy jónindegi basqarmasy jetekshisiniń mindetin atqarýshy Dúısenbek Baımusynov.
Oblystyq eńbek ınspeksııasy bir aıda jumysshylardan túsken júzge jýyq aryz-shaǵymdy qarastyrady. Eldegi sońǵy kúnderdegi tótenshe jaǵdaı rejımine baılanysty jumysshylar tarapynan eńbek quqyǵynyń buzylýyna qatysty birde-bir aryz túspegen.