Qurlyqtyq hokkeı lıgasynyń pleı-off kezeńi 10 sáýirde jalǵasady. Osyǵan oraı, týrnırdi uıymdastyrýshylar «Barystyń» lıgaǵa qaıta oralýyna múmkindik baryn aıtqan bolatyn. Alaıda, klýb prezıdenti komanda úshin bıylǵy maýsymnyń aıaqtalǵanyn aıtty. Bul týraly Olympic.kz habarlady.
«Barys» klýbynyń prezıdenti Borıs Ivanıshev «Rıa Novostı» agenttigine bergen suhbatynda komandanyń pleı-off aınalymyna qatyspaıtynyn málimdedi.
«Sportshylardyń barlyǵy da úılerine ketti. Komanda bolyp osyndaı sheshim qabyldaǵan soń, áriptesterimniń sheshimin talqylaı almaımyn. Biz úshin bıylǵy maýsym aıaqtaldy. Endi kelesi maýsymdy kútemiz. Qazir búkil álem jabylyp jatyr», - dedi klýb prezıdenti.