Elimizde tótenshe jaǵdaı engizilgeli meıramhanalardyń jumysy ýaqytsha toqtatylyp, belgilengen otbasylyq sharalar keıinge shegerilgen bolatyn. Osyǵan oraı, toıhanalarǵa Aqtaý qalalyq ákimdiginiń qyzmetkerlerimen reıd uıymdastyrylyp, túsindirý jumystary júrgizildi, dep habarlaıdy ákimdiktiń baspasóz qyzmeti.
«Eger qandaı da bir toı, shara bolyp jatqany anyqtalsa, QR Ákimshilik kodeksiniń 476 baby boıynsha meıramhana ıesine 10 AEK kóleminde aıyppul salynyp, 15 kúnge bas bostandyǵynan aıyrylý jazasy taǵaıyndalý múmkin, al eger meıramhanada bolǵan adamnan ınfeksııa tabylsa, meıramhana ıesine 2 myń AEK nemese 2 jylǵa bas bostandyǵynan aıyrylý jazasy taǵaıyndalý múmkin», - deıdi Aqtaý qalalyq kásipkerlik jáne ónerkásipti damytý bóliminiń bas mamany Áset О́teǵalıev.
Aıta keteıik, qazirgi tańda Aqtaý qalasy aýmaǵynda 41 meıramhana bar. Reıd nátıjesinde barlyǵynyń jabyq turǵany anyqtaldy.
Mańǵystaý oblysy