«Nur Otan» partııasy Tóraǵasynyń Birinshi orynbasary Baýyrjan Baıbek aikyn.kz-ke bergen kólemdi suhbatynda Elbasynyń óz prezıdenttik ókilettigin toqtatýyna bir jyl tolýyna oraı óz oıyn ortaǵa salyp, Nursultan Nazarbaevtyń Qazaqstannyń qalyptasýyndaǵy róli jaıynda keńinen áńgimeledi.
Partııa tóraǵasynyń Birinshi orynbasary búginde «Elbasy modeli» uǵymy sarapshylar men aqparattyq ortada tolyq ornyqqanyn aıtty. Ol óz sózinde Tuńǵysh Prezıdenttiń kásibı jáne jeke qasıetterine, saıası bedeli men tarıhtyń damý barysyn baǵamdaı bilýine, saıası qyraǵylyǵyna, tıimdi jumys tobyn jasaqtaı bilý qabiletine toqtalyp, Elbasy lıderliginiń basty ereksheligin atap kórsetti.
«Al eń bastysy – jaýapkershilikke negizdelgen lıderlik. Bul - konstıtýsııalyq reformalar, naryqtyq ekonomıka men jekeshelendirýge ótýdiń kúrdeli kezeńderi, shekaranyń delımıtasııasy men demarkasııasy. Bul - el ekonomıkasynyń damýyna qýatty qarqyn bergen astanany kóshirý týraly sheshim úshin saıası jaýapkershilik. Bul - Ulttyq qordy qurýdaǵy Elbasynyń saıasatker jáne strateg retindegi keleshekti baǵamdaı bilýi. Bul - «Bolashaq» halyqaralyq stıpendııasyn engizý arqyly jas basqarýshylar býynyn qalyptastyrýdyń mańyzdylyǵyn tereń túsiný» - dedi Baýyrjan Baıbek.
Partııa tóraǵasy Birinshi orynbasarynyń aıtýynsha,sol kezde qabyldanǵan kóptegen sheshimder qarsylyqqa tap bolǵanymen, ýaqyt óte kele qarsy shyqqandardyń ózi Elbasynyń jaqtastary men múddesterine aınalǵan. «Nur Otan» partııasy da Elbasy reformalarynyń baǵytyn qoldaý boıynsha jalpyhalyqtyq koalısııa negizinde quryldy. Keıinirek ol eldi jańǵyrtýshy jetekshi kúshke aınaldy.
«Tuńǵysh Prezıdenttiń taǵy bir erekshe qasıeti – kez kelgen jaǵdaıdan qıynnan qıystyryp, sara jol taba bilýi. Bul «Nur Otan» partııasynyń saıası platformasyndaǵy sentrızm ıdeologııasynda kórinis tapqan. Nazarbaev modeliniń tabysy - onyń keleshekti dál boljap, kútpegen sheshimder usynýynda, ózine jaýapkershilik alyp, reformalardy aıaǵyna deıin jetkizýinde», - dep atap ótti Partııa tóraǵasynyńBirinshi orynbasary.