Búgin Qostanaı áýejaıyna «Sharm-el-Sheıh – Qostanaı» baǵytyndaǵy ushaq kelip qondy. Áýe jolaýshylaryn polısııa qyzmetkerleri men epıdemıolog dáriger mamandar qarsy aldy.
Bortta barlyǵy 237 jolaýshy jáne 7 ekıpaj múshesi bar. Onyń 152-si Reseı Federasııasynyń azamattary. Sondaı-aq 1 Ýkraın azamaty bar. Qalǵany – qazaqstandyqtar. Medısınalyq tekseristen ótken soń, polısııa sheteldik azamattardy Reseı shekarasyna deıin shyǵaryp saldy.
Mamandardyń aıtýynsha, barlyq jolaýshynyń jaǵdaıy - qanaǵattanarlyq. Qostanaı oblysynyń taýarlar jáne kórsetiletin qyzmetterdiń sapasy men qaýipsizdigin baqylaý departamenti baspasóz-qyzmetiniń málimetinshe, qazir oblysta 39 adam aýrýhanada, 24 adam karantınde jatyr. Indet juqtyrǵandar tirkelgen joq.
Qostanaı