ADAM KAPITALYN BELSENDIRÝDEGI ShEShÝShI QADAM

“Jańa onjyldyq – jańa eko­no­mıkalyq órleý – Qazaqstannyń jańa múmkindikteri” Joldaýynda el Prezıdenti N.Nazarbaev daǵda­rys­tan keıingi kezeńderge, sondaı-aq, tu­tastaı alǵanda, aldaǵy onjyl­dyqqa arnalǵan damýdyń jańa aýqymdy mindetterin belgilep berdi. Bul mindetterdiń mańyzy orasan zor. Birinshiden, ekonomı­kany jedel ártaraptandyrýdyń naqty mehanızmderi arqyly jańǵyrtý – osy maqsatqa jetýdiń tóte joly. Olar­dyń biri – Joldaýda jańa eko­nomıkanyń qozǵaýshy kúshi retinde tanylǵan kásipkerlikke arqa súıeý. Munda negizgi ekpin óńirlik ınves­tısııalyq saıasatty kúsheıtý arqyly bekemdelgen aımaqtardaǵy kásipker­likti damytýǵa túsiriletin bolady. Ekinshiden, bul, meniń oıymsha, eldiń basty baılyǵy retinde naqty adamǵa baǵdar jasaý. Mundaı kózqaras kezdeısoqtyq emes. Sońǵy jyldary adam kapı­taly faktoryn tolyǵyraq júzege asyrý qajettigin barynsha molynan sezine bastadyq. О́ıtkeni, munsyz eńbek ónimdiligin arttyrý múmkin emes. Mine, dál sondyqtan Mem­le­ket basshysy “eldegi modernıza­sııa­laý strategııasynyń tabysty­ly­ǵy, birinshi kezekte, qazaqstan­dyq­tar­dyń bilim-biligine, áleýmet­tik jáne  densaýlyq jaǵdaıyna táýeldi” ekenin erekshe atap kór­setti. Joldaýda Memleket basshysy adam kapıtaly sapasyn joǵary­latýǵa baǵyttalǵan naqty mindet­terdi alǵa qoıdy: - 2020 jylǵa qaraı qalalyq ta, sol sııaqty aýyldyq jerlerdegi de balalardyń bári mektep jasyna deıingi tárbıemen jáne oqytýmen qamtylatyn bolady; - balalardy mektep jasyna deıingi bilim berýmen jáne tár­bıe­men qamtamasyz etýdi arttyrýǵa ba­ǵyttalǵan “Balapan” arnaıy baǵ­darlamasyn ázirlep, 2010 jyldyń birinshi jartysynda júzege asyrýǵa kirisý jóninde mindet qoıyldy; - densaýlyq saqtaý nysandaryn salý jáne jabdyqtaý, kadrlardy daıarlaý, salamatty ómir saltyn qa­lyptastyrý jónindegi memlekettik sharalar kesheni 2020 jylǵa qaraı ana men bala ólimin eki ese tómen­detip, jalpy ólimdi 30 paıyzǵa, al týberkýlezben aýrýdy 20 paıyzǵa qysqartatyn bolady. Sonymen birge, ómir súrýdiń kútilgen uzaq­ty­ǵy 22 jasqa deıin ulǵaıatyn bolady; - halyqty eńbekpen qamtamasyz etý memlekettik áleýmettik saıa­sat­tyń basty basymdyǵy bolyp ta­bylady. Sondyqtan Memleket bas­shysy 2020 jylǵa qaraı jumys­syz­dyq deńgeıi 5 paıyzdan, al tabys­tary eń tómengi ómir súrý deńgeıin­degi halyqtyń úlesi 8 paıyzdan aspaýy jóninde mindet qoıdy; - áleýmettik qyzmetter tek muq­taj azamattarǵa ǵana kórsetilip, olar qazirgi zamanǵy standarttar men Qazaqstandaǵy ómir deńgeıine sáıkes kelýge tıis. 2015 jylǵa qa­raı bazalyq zeınetaqylyq tólem­der mólsheri eń tómengi ómir súrý deń­geıi­niń 60 paıyzyna deıin, al mem­lekettik áleýmettik járdemaqy­lar 2010 jylǵa qaraǵanda 1,2 ese art­tyrylýy tıis; - Memleket basshysy 2010 jyly “Jol kartasy—2009” jospa­ry boı­yn­sha bastalǵan turǵyn úı-kom­mý­naldyq sektor nysandaryn qaıta qalpyna keltirýdi jalǵasty­rý, al 2011 jyly turǵyn úı-kommýnaldyq sharýashylyqty keń aýqymdy mo­der­nızasııalaýdyń 2020 jylǵa deıingi josparyn ázirleý jóninde mindet qoıdy. Bul jaǵdaıda turǵyn úı-kommýnaldyq sharýashylyq ın­fraqurylymdaryn modernıza­sııa­laý eksplýatasııalyq shyǵyndary­nyń úlesin tómen­detýmen jáne resýrs saqtaýshy tehnologııalardy engizýmen qosa júrýi tıis. Aýyldyq jerlerdi qubyr sýymen qamtamasyz etý jumysy jalǵasatyn bolady. Osynaý ózekti mindetterdi sheshý óńirler arasyndaǵy, eń bastysy, qala men aýyl turǵyndary arasyn­daǵy halyqtyń turmys deńgeıindegi alshaqtyq problemasyn birizdi­likpen sheshýge jaǵdaı jasaıdy. Nátıjesinde, árbir qazaqstan­dyq ómir sapasynyń artqanyn sezinip, ózi tarapynan ekonomıka sala­la­ryndaǵy ónimdilikti arttyrý­ǵa úles qosatyn bolady. Sondyqtan, ekonomıkany ser­pin­di ártaraptandyrý baǵdarla­ma­syndaǵy basty basym baǵyttardyń biri bolyp tabylatyn eldiń adamı kapıtalyn damytý Qazaqstan Res­pýblıkasynyń ekonomıkalyq ósimi úshin aıtarlyqtaı mýltıplıka­tıvti tıimdilik ákelýge tıis.