Dál qazirgi sátterde Almatynyń ınfeksııalyq aýrýhanalarynda koronavırýs derti rastalǵan 22 pasıent jatyr. Búgin Almatyda taǵy 3 adamda koronavırýs anyqtalǵany belgili.
Úsh naýqastyń alǵashqysy shetelden vırýs juqtyryp kelgendermen baılanysta bolǵan áıel adam.
Aýrý belgileri paıda bolǵannan keıin bul áıel 18 naýryzda COVID-19 vırýsyna analız tapsyrǵan. О́kinishke oraı, keshe medısınalyq saraptama nátıjesi bul adamda vırýs bar ekendigin rastady.
Koronavırýs juqtyrǵany anyqtalǵan ekinshi áıel adam Berlın-Almaty charterlik reısiniń jolaýshylar serigi bolyp tabylady. Ol 12 naýryzdan beri ınfeksııalyq aýrýhanada karantınde jatqan bolatyn.
Al, 1997 jylǵy úshinshi er-azamat 19 naýryz kúni túnde Parıj-Mınsk-Almaty reısimen ushyp kelip, birden provızorlyq gospıtalǵa oqshaýlanyp, búgin Qalalyq ınfeksııalyq aýrýhanaǵa aýystyryldy.
Osy sáttterde 20 naýqastyń jaǵdaıy birqalypty, 2 adamnyń hali ortasha aýyr.
Búgin qalanyń provızorlyq gospıtalinde 696 azamat jatyr. 1108 adam – úı karantıninde otyr.
ALMATY