Birqatar saýaldardyń paıda bolýyna baılanysty, búgin A-Parking qyzmeti buqaralyq aqparat quraldary úshin tómendegideı sheshim qabyldaǵanyn jarııalady.
«Dostar, Almatydaǵy epıdemıologııalyq jaǵdaıǵa jáne karantın jarııalanýyna baılanysty, qaladaǵy bizdiń quzyrymyzdaǵy barlyq aqyly turaqtar 21 naýryz ben 15 sáýir aralyǵynda aqysyz jumys isteıtin bolady.
Kólik qoıýdyń barlyq tártipterin saqtaýdy ótinemiz:
Belgilengen syzyqtarda avtokólikterdi dıstansııalyq qashyqtyq saqtaı otyryp qoıý;
Tek qana avtokólik qoıatyn jerlerde kólik qaldyrý;
Jedel qyzmet kólikteri júretin joldardy jappaý;
Kólik qoıýǵa tıym salynǵan jerlerde kólik qaldyrmaý;
Qaladaǵy avturaqtardyń qyzmetin baqylaý men profılaktıkalyq sharalardy Almaty qalalyq jol polısııasy Basqarmasy qadaǵalaıdy», deıdi A-Parking ókilderi.
ALMATY