Mańǵystaý oblystyq Polısııa departamentiniń bastyǵy polısııa general-maıory Baqtybaev Janarbek Tóleýbekuly koronavırýstyń pandemııasy saldarynan Qazaqstan Respýblıkasynyń Prezıdenti jarııalaǵan eldegi tótenshe jaǵdaı rejımi boıynsha mańǵystaýlyqtarǵa úndeý jasady. Bul týraly atalǵan vedomstvonyń baspasóz qyzmeti habarlady.
«Mańǵystaý oblysynyń turǵyndary men qonaqtary, polısııa departamentiniń atynan Sizden tótenshe jaǵdaı rejımin saqtaýdy suraımyn. Atap aıtqanda - kópshilik is-sharalar, merekeler ótkizýden bas tartý, qoǵamdyq oryndarda toptasyp jınalmaý, polısııa qyzmetkerleri men medısına qyzmetkerlerine kómek kórsetý! Munyń bári sizdiń ıgiligińiz ben densaýlyǵyńyz úshin. Dárigerler keńesterin oryndańyz jáne sımptomdar tabylǵan jaǵdaıda dereý medısınalyq mekemelerge habarlasyńyz!» dedi Mańǵystaýdyń Bas polıseıi óz úndeýinde.
Mańǵystaý oblysy