Aqtaý qalasyndaǵy kóppáterli turǵyn úılerdiń kireberisteri men jalpyǵa ortaq paıdalaný oryndary dezınfeksııalanýda. Qaýipsizdik sharalaryn saqtaý maqsatynda 1 myńǵa jýyq turǵyn-úıdiń kireberisterine, esikter, lıftiler, súıenishter, tereze jaqtaýlary jáne t. b. dezınfeksııalaý jumystary júrgizilýde. Sonymen qatar, balalardyń oıyn alańdary da tazalanýda.
Aqtaý qalalyq tótenshe jaǵdaılar boıynsha shtab músheleri, polısııa basqarmasy, qalalyq ákimdik qyzmetkerleriniń birigýimen Aqtaýdaǵy kafe, meıramhana, keshke jınalatyn ortalyqtardy kún saıyn tekserýde.
3 kún nátıjesi boıynsha 4 jumys tobymen 100-den astam oryndar tekserilip, onyń 20-sy 22:00-den keıin (3 kompıýter klýby, 17 dámhana) ashyq ekeni anyqtaldy. 5 dámhananyń ıesine ákimshilik kodekstiń 476-baby boıynsha hattama toltyrylyp, eskertý berildi. Qalǵandaryna túsindirý jumystary júrgizildi.
Mańǵystaý oblysy