«Qazaqtelekom» AQ kásipkerlerge qajetti qujattardy jedel alý jáne elektrondyq qujat aınalymyn júrgizý boıynsha yńǵaıly servıstermen ismet.kz alańyn paıdalanýdy usynady, dep habarlaıdy «Qazaqtelekom» AQ Qoǵammen baılanys qyzmeti.
«Qazaqtelekom» AQ koronavırýs pandemııasy saldarynan eldegi tótenshe jaǵdaıǵa baılanysty, klıentterge qamqorlyq kórsete otyryp, kásipkerlerge ismet.kz onlaın-alańdy paıdalanýdy usynady.
ISMET.kz — bul bızneske arnalǵan platforma, onda kásipkerler úshin zamanaýı IT-sheshimder, memlekettik qoldaý sharalary men oqytý materıaldary jınaqtalǵan. Platformada zańdy tulǵalar men jeke kásipkerler úshin arnaıy ınternet, telefonııa jáne teledıdar qyzmetteri kórsetilgen. Bul alańnyń paıdalanýshylary kez kelgen bıznes aýqymy úshin bultty data-ortalyqtar men serverlerdi tańdaýǵa qoljetimdi.
Buny paıdalaný úshin kásipkerlerge platformada tirkelý qajet. Tolyq nusqaýlardy myna silteme boıynsha tabýǵa bolady https://www.ismet.kz/ru/community/news/vernyy-sposob-zashchitit-sebya-ot.
Platformada qyzmetkerlerdi irikteý, seriktesterdi izdeý, qujat aınalymy, kassalyq, býhgalterlik jáne salyq esebi sııaqty úderisterdi retteýge jáne avtomattandyrýǵa kómektesetin Qazaqstandyq IT-kompanııalardyń jańa ázirlemeleri usynylyp, turaqty túrde ornalastyrylady. Kommýnıkasııaǵa arnalǵan fýnksıonaldar: blogtar, suraq-jaýaptar jáne bıznes jańalyqtary ismet.kz saıtynda iske asyryldy. ismet.kz paıdalanýshylary býhgalterııa, salyq salý, zańtaný, sondaı-aq, kedendik rásimder men memlekettik satyp alý salasynda tegin keńester ala alady.
ALMATY