Otandyq baǵdarlamashylar indet juqtyrǵandardy jyldam anyqtaıtyn Covid19 live.kz servısin ázirledi. Bul servıs koronavırýstyń taralýyna monıtorıng júrgizip, tez anyqtaýǵa septesedi.
Kross platformaly VLIFE jobasyn baǵdarlamashylar Almaty ákimdiginiń, «Medıker Alataý» medısınalyq kompanııasynyń qoldaýymen quryp jáne halyqqa tegin paıdalanýǵa beriledi.
Covid19live.kz Qazaqstanda koronavırýstyń taralýyn naqty ýaqyt rejıminde baqylaýǵa, al eń bastysy – juqtyrý nemese juqtyrǵandarmen baılanys týraly habarlaýǵa múmkindik beredi.
Bul qyzmetti kez kelgen paıdalanýshy qazaq jáne orys tilderinde qoldana alady. Eki kún ishinde qoljetimdi bolatyn qyzmet túrin Android jáne iOS baǵdarlamalarynan júktep alýǵa bolady. Tómendegi meken-jaı boıynsha covid19live.kz qyzmetiniń veb-nusqasy qol jetimdi.
Bólimder Covid19live.kz:
– Qazaqstan boıynsha koronavırýsty taratýdyń onlaın-kartasy;
– vırýs, ony berý jáne qorǵaý tásilderi týraly ózekti jańalyqtar men mańyzdy aqparat;
– jedel ortalyqtardyń baılanystary men aýrýhanalardyń meken-jaılarymen biryńǵaı tereze syńdy múmkindikterdi usynady.
Sondaı-aq halyqpen keri baılanys úshin eki mańyzdy fýnksııany qamtıdy:
«Men juqtyrdym»: COVID-19 tabylǵan paıdalanýshy baılanysta bolǵan jáne juqtyrýy yqtımal adamdardy, sondaı-aq juqtyrǵan bola otyryp, kelgen oryndardy atap óte alady; «Men juqtyrǵandarmen baılanysta boldym»: eger juqtyrǵandarmen birdeı reıspen ushyp kelse nemese onyń qarym-qatynas sheńberinen bireý juqtyrǵanyna senimdi bolsa, paıdalanýshy pikir qaldyra alady .Aıta ketý kerek, osy fýnksııalardyń kómegimen alynǵan málimetter kópshilikten qupııa saqtalady. Tek qana densaýlyq saqtaý organdarynyń qyzmetkerlerine ǵana qoljetimdi.
Alynǵan aqparatty paıdalana otyryp, mamandar koronavırýs juqtyrýy múmkin adamdardy jyldam sáıkestendire alady. Sonymen qatar kartada juqtyrý oshaǵyn belgileı alady. Osy arqyly adamdardy vırýs bolýy múmkin oryndarda boldyrmaý múmkindigine ıe bolmaq.
Ázirleýshilerdiń aıtýynsha, servıstiń basty maqsaty koronavırýs týraly jedel habar berý jáne vırýstyń taralýyn tejeý.
Qosymshany jasaýshylar barlyq qoldanýshyny áleýmettik jaýapkershilikke shaqyrady jáne servısti COVID-19 taratý monıtorıngi úshin ǵana emes, sonymen qatar quzyretti organdardy ýaqtyly habardar etý úshin de belsendi paıdalanýdy suraıdy.
ALMATY