Petropavldyń «Jas О́rken» móltekaýdanynda qaladaǵy eń alǵashqy, bıiktigi 18 qabatty 108 páterlik turǵyn úı salynýda. Bul qurylysty «Osnovanıe» JShS júrgizip jatyr.
Jýyrda osy qurylystyń mańyndaǵy jerin usynǵan baǵaǵa bermeı, kottedjin buzdyrýǵa qarsy bolyp otyrǵan jekemenshik úıdiń qojaıyny qurylysshylardyń táýliktiń túngi mezgilinde de jumys istep, ózderine uıqy bermeıtindigine shaǵymdanǵan. Mundaı shaǵymdy ol buryn da birneshe ret bergen eken. Sońǵy shaǵym boıynsha qalanyń qurylys jáne arhıtektýra bóliminiń sektor meńgerýshisi M.Muqysheva jaýap berip, úıdiń qabyrǵalary men tóbesiniń qurylys materıaldary úzdiksiz quıylatyn betonmen arnaýly tehnologııa arqyly jasalatyn monolıtten turatynyn aıtty. Sondyqtan jumys táýliktiń túngi mezgilinde de jalǵasa beredi eken. Alaıda ol tehnıkalyq baqylaý qyzmetiniń eskertpe jazýyna baılanysty, turǵyndardyń tynyshyn alatyn bolǵandyqtan túngi jumystar budan bylaı túngi mezgilde toqtatylatynyn aıtty.
Alyp qurylystyń janyndaǵy E.Semıdoskıh degen áıeldiń kottedji qurylys úshin alynatyndyǵy týraly habarlama sonaý, 2016 jyly berilgen eken. Alaıda E.Semıdoskıh óziniń úıi úshin berilýge tıisti ótemaqyny ókirtip surap otyrǵan kórinedi. Ol árbir sharshy metrge 330 myń teńgeden talap etedi. Al bul baǵany ákimdiktiń mamandary óte qymbat deıtin kórinedi. Biraq saqtandyrý kompanııasy mamandarynyń úlkeıtip kórsetken baǵasyn alǵa tartyp, áıel de kóner emes.
Sóıtip, eki jaqtyń kelise almaǵandyǵynyń saldarynan qurylysqa da kedergi týyp, turǵyndar da tynyshynan aırylýda. Nátıjesinde osy qurylystan páter alý úshin aqshalaryn tólep qoıǵan qala turǵyndary da zardap shegýde.
PETROPAVL