Nursultan Nazarbaev atyndaǵy áýejaıǵa kelgen 600-ge jýyq jolaýshy oqshaýlandy. Bul týraly Nur-Sultan qalalyq qoǵamdyq densaýlyq saqtaý basqarmasynyń basshysy Sáýle Qısyqova málimdedi.
«TJ rejıminiń engizilýine baılanysty, Nur-Sultan qalasyndaǵy Nursultan Nazarbaev atyndaǵy áýejaıǵa keletin barlyq jolaýshylardy oqshaýlaý týraly sheshim qabyldandy. 22 naýryzda 6 reıs arqyly - Dýbaı, Tokıo, Mınsk, Máskeý, London, Ystanbul qalalarynan 596 jolaýshy keldi. Onyń 577-si nemese 97 paıyzy koronavırýstyq ınfeksııaǵa zerthanalyq tekserý júrgizý úshin karantındik stasıonarǵa jatqyzyldy.
Onyń aıtýynsha, epıdemıologııalyq jaǵdaıy qolaısyz 1A sanatyndaǵy elderden kelgen 12 jolaýshy áýejaıdan dereý provızorlyq stasıonarǵa jiberildi.
«Nur-Sultan qalasynyń turǵyndaryna shet elderderden kelgen jolaýshylardyń tekserýsiz qala aýmaǵyna kirmeıtinin aıtqymyz keledi», - dedi S. Qısyqova.