Halyqaralyq hokkeı federasııasy 2020 jyldyń mamyryn aıynda Shveısarııada ótýi tıis bolǵan elıtaly dıvızıondaǵy álem chempıonatyn keıinge shegerdi dep habarlady Qazaqstannyń UOK baspasóz qyzmeti.
Halyqaralyq federasııa mundaı qadamǵa koronavırýs indetiniń taralýyna baılanysty baryp otyr.
«Bul álemdegi hokkeısúıer qaýym úshin úlken soqqy. Biraq kónýge týra keledi. Koronavırýs ǵalamdyq problemaǵa aınaldy. Qaýipti vırýs taralmaý úshin búkil álem bolyp kúresýimiz qajet. IIHF bul kúreske qoldaý kórsetý úshin aıanyp qalmaıdy. Ázirge sporttyq is-sharalardy keıinge qaldyryp, koronavırýsqa qarsy kúresken memlekettik organdardy qoldaýymyz qajet», dedi IIHF prezıdenti Rene Fazel.
Aıta keteıik, hokkeıden Qazaqstan ulttyq quramasy da qatysýy tıis bolǵan álem chempıonaty 8-24 mamyr aralyǵynda ótedi dep josparlanǵan-dy.