Bul jóninde búgin 22 naýryzda Almaty ákimdiginiń baspasóz ortalyǵynda Qoǵamdyq densaýlyq basqarmasy basshysy Tileýhan Ábildaev habarlady.
Búgin Almatyda COVID-2019 juqtyrǵan 23-shi jaǵdaı anyqtaldy. Bul 15 naýryz kúni Ystambul-Almaty reısimen ushyp kelgen, vırýsy buǵan deıin rastalǵan adammen baılanysta bolǵan áıel.
Osyǵan baılanysty, ol Qalalyq klınıkalyq juqpaly aýrýlar aýrýhanasynda karantınde bolǵan. Budan basqa, ol kiside JRVI-ǵa uqsas, kataraldy sımptomdar bolǵan. Qazir pasıenttiń jaı-kúıi – birqalypty.
Búgin koronavırýs dıagnozy anyqtalǵan Qalalyq klınıkalyq juqpaly aýrýlar aýrýhanasynda 20 pasıent jáne Balalar juqpaly aýrýlar aýrýhanasynda 2 bala jáne 1 ana bar. Qazirgi kúni eki balanyń jaı-kúıi – oń dınamıkamen jaqsarýmen, ortasha aýyr, qalǵan naýqastarda – qanaǵattanarlyq.
22 naýryz kúni kúni 4 provızorlyq gospıtalda 631 adam, 1243 adam úı karantıninde jatyr. Karantındegi barlyq adamnyń deneqyzýy birqalypty, kataraldyq qubylystar joq.
Koronavırýs ınfeksııasynyń taralýyna jol bermeý úshin myna nusqaýlardy múltiksiz oryndaý qajet:
- qoldy jıi jýyp, antıseptıkterdi qoldanǵan jón. Qoldy sabynmen árbir jarty saǵat boıyna 20 sekýnd boıy jýý kerek. Eger jaqyn mańda qol jýatyn oryn, sabyn bolmasa, onda mıkrobtardy kádimgi antıseptıkpen joıýǵa bolady;
- bólmeni jıi jeldetý qajet;
- qoǵamdyq oryndardan aýlaq bolǵan jón;
- qol alysýǵa jáne basqa da jaqyn baılanys jasaýǵa bolmaıdy;
- ımmýnıtetti kúsheıtý qajet;
- suıyq tııý jáne tumaý aýrýlarynyń belgileri (sımptomdary) baıqalsa, ózin jaısyz sezinse, qurǵaq jótel bolsa, onda birden emhanadan dárigerdi nemese jedel járdemdi shaqyrý qajet ári maska kıgen jón.
Anyqtama úshin 1406 nómiri boıynsha sall-ortalyq táýlik boıy jumys isteıdi.
ALMATY