Oblys ortalyǵy Túrkistan qalasynda áleýmettik, kásipkerlik nysandar men adam kóp jıylatyn qoǵamdyq oryndardyń jumys tártibine qatysty ózgertýler men shekteýlerdiń oryndalýyn baqylaý maqsatynda «Saqshy» arnaıy jobasy bastaý alyp, reıdtik sharalar júrgizilýde.
Qalalyq polısııa departamentiniń qyzmetkerleri men olardyń qoǵamdyq kómekshileri qala aýmaǵynda dámhana, meıramhana men dúkenderdi aralap, qaýipsizdiktiń qatań saqtalýyn, nysandarǵa kirer esikterde antıseptıkalyq quraldardyń bolýyn tekserdi. Qoǵamdyq kómekshiler tótenshe jaǵdaı talaptaryn saqtaý jaıly túsindirme jumystaryn júrgizdi. Búginde qaýipsizdikti saqtaý maqsatynda barlyq jergilikti atqarýshy jáne quzyrly organdar kúsheıtilgen rejımde jumys isteýde.
Aıta ketelik, tótenshe jaǵdaı rejımin saqtamaǵan 13 nysan ıesi jáne 2 azamat úıinde toı jasaýy sebepti jaýapqa tartyldy. Jalpy oblys boıynsha 300-ge jýyq azamat reıdtik sharalarǵa qatysyp, polısııa qyzmetkerlerine kómektesýde.