Túrkistan oblystyq Jastar resýrstyq ortalyǵynyń qyzmetkerleri men erikti jastar Kentaý, Arys qalalaryndaǵy otbasy úlgisindegi balalar úıi men mektep-ınternatynda koronavırýstyń aldyn alý sharalary boıynsha túsindirme jumystaryn júrgizdi.
Balalar úıine medısınalyq zalalsyzdandyrý suıyqtyqtary jáne tazartqysh quraldaryn, sondaı-aq qorǵanys maskalar men dárýmender syndy qazirgi jaǵdaıda asa qajetti zattardy taratty. Al Túrkistanda qala turǵyndary men kóshe boıyndaǵy qoǵamdyq jumysta júrgenderge, qurylys alańdaryndaǵy jumysshylarǵa, aıaldamalarda turǵan kópshilik qaýymǵa 2000-ǵa jýyq medısınalyq maska men 10 lıtrge jýyq antıseptıkalyq suıyqtyq taratty.
Sondaı-aq jastar Tólebı, Saıram aýdandary men Shymkent qalasynda ornalasqan oblystyq otbasy úlgisindegi balalar úıi men qarttar úıine, mektep–ınternattaryna da osyndaı qoldaýlar kórsetti. Oblys jastary men eriktiler qamqorlyq tanytý baǵytyndaǵy bul ıgi is-sharalardy aldaǵy ýaqytta da óńirdiń barlyq aýdandarynda jalǵastyrmaq.