Italııada koronavırýstyń keń etek alýy eldegi demografııalyq ahýal emes, test júrgizý júıesine baılanysty dep atap ótti Dúnıejúzilik densaýlyq saqtaý uıymynyń bas dırektory Brıýs Eılvard.
Onyń aıtýynsha, Italııada epıdemııanyń órshýine baılanysty testileý strategııasyna ózgeris engizilgen. Lombardııada vırýs anyqtalǵan kezde vırýsqa shaldyqqandardyń barlyǵyna test jasalǵan. Biraq ary qaraı vırýsqa shaldyqqandardyń tym kóbeıip ketýi men materıaldardyń jetispeýshiliginen koronavırýsqa testi aýyr jaǵdaıdaǵy naýqastar men táýekeldi topqa jatatyndarǵa ǵana jasaý týraly sheshim qabyldanǵan.
Qazirgi kezde Italııa koronavırýsqa shaldyqqandar sany jaǵynan Eýropada aldyńǵy orynda tur, tipten qaıtys bolǵandar Qytaı kórsetkishisinen asyp túsken.
Budan buryn málim bolǵanyndaı, Italııa basshylyǵy jańa tıptegi koronavırýspen kúreste amerıkalyq áskerıler kómegine júgingen. Italııa tarapy Vashıngtonnan maskalar men jasandy tynystandyrý qurylǵylarymen kómektesýdi suraǵan bolatyn.