Eýropa fýtbol qaýymdastyqtarynyń odaǵy (ÝEFA) resmı saıtynda koronavırýs pandemııasyna baılanysty Eýrokýbok básekeleriniń fınaly keıinge qaldyrylǵanyn habarlady.
Resmı málimetke súıensek, erler arasyndaǵy Chempıondar lıgasy men Eýropa lıgasynyń jáne áıelder arasyndaǵy Chempıondar lıgasynyń fınaldyq oıyndary belgisiz merzimge shegerildi. Fınaldyń naqty ýaqyty aldaǵy ýaqytta habarlanady delingen.
Aıta keteıik, erler arasyndaǵy Chempıondar lıgasynyń fınaly 30 mamyrda Ystambuldaǵy (Túrkııa) «Atatúrik Olımpıadalyq stadıonynda» ótýi kerek bolǵan. Al Eýropa lıgasynyń fınaly 27 mamyrda Gdansk (Polsha) qalasyndaǵy «Energa Gdansk» stadıonynda ótedi dep josparlanǵan-dy.
Qazirgi tańda koronavırýsqa baılanysty Chempıondar lıgasy men Eýropa lıgasynyń 1/8 oıyndary toqtap tur.