Karantın kezinde Almaty zeınetkerleriniń zeınetaqylaryn úılerine jetkizip beredi. Bul týraly Almaty qalasynyń О́ńirlik kommýnıkasııalar qyzmeti alańynda «Qazpochta» AQ AF dırektory Álııa Súgirbaeva aıtty.
Onyń aıtýynsha, 70 jastan asqan zeınetkerler karantın kezinde zeınetaqylaryn úıinde otyryp ala alady.
«Qala ákimdigimen birge bizdiń zeınetkerlerge zeınetaqylaryn jetkizý jumystary júrgizilýde. «Qazposhta» 80 jastan asqan zeınetkerlerge qyzmet kórsetedi, biz olardyń zeınetaqylaryn úılerine jetkizip beremiz. Qazir 70 jastan asqan zeınetkerler sanatyn da qamtamasyz etýge daıynbyz. Bizdiń barlyq qyzmetkerimiz – pochtashylar men kýrerler oǵan tolyq daıyn, olar zeınetkerlerdiń qaýipsizdigi úshin barlyq jeke qorǵanys quraldarymen jabdyqtalǵan», – dedi ol.
«Budan ózge, «Qazposhta» karantın kezinde qala turǵyndaryn qoldaý boıynsha Almaty ákimdigimen birlesken jobany júzege asyrýǵa qatysady.
«Almaty qalasynyń ákimdigimen birge halyqtyń áleýmettik az qamtylǵan toptaryna qoldaý kórsetý úshin iske asyrylyp otyrǵan joba aıasynda «Qazposhta» logıstıkalyq jáne azyq-túlik sebetterin jetkizýdegi basty seriktesi bolyp tabylady. Búgingi kúni fılıal barlyq kúsh-jigerin jumyldyrdy – 70 mashına kýrerlermen shtattyq tártipte jumys isteıdi. Olar qajet bolǵan jaǵdaıda qala turǵyndaryna barlyq áleýmettik paketterdi táýlik boıy jetkizetin bolady», – dedi Álııa Súgirbaeva.
Sonymen qatar, koronavırýs ınfeksııasynyń taralýyna jol bermeý maqsatynda baılanyssyz jetkizýdi qamtamasyz etý máselesi pysyqtalýda.