Kóktemniń jarqyn merekesi, Ulystyń uly kúni - 22 naýryzda Mańǵystaý oblystyq perınataldyq ortalyǵynda 12 ul jáne 12 qyz bala dúnıege keldi. Bul týraly ortalyq dırektory Jamal Jamanbaeva habarlady.
Jańa týǵan sábılerdiń arasynda eki egiz bar. Búginde olar ózderin jaqsy sezinýde, analarynyń da densaýlyǵynda alańdaıtyn eshteńe joq.
- Mereke kúni kezekshilik tynysh ótti. Jeke ózimniń jáne ujymnyń atynan asyǵa kútken, ómirge deni saý kishkentaı hanshaıymdar men bolashaq Otan qorǵaýshylar ómirge ákelgen analaryn, sonymen qatar, úılerinde kútip otyrǵan ákelerin shyn júrekten quttyqtaımyz, - dedi Jamal Jamanbaeva.
Perınataldyq ortalyq basshylyǵy málimdegendeı, kishkentaı sábıler men analary jýyrda úılerine qaıtady. Jalpy medısınalyq mekemede olarǵa barlyq jaǵdaı jasalǵan.
Mańǵystaý oblysy