Eger oqyrman esinde bolsa, buǵan deıin de karantın kúshine engennen keıin megapolıste qoǵamdyq kólikterdiń jumysy keshki saǵat 21.00-ge deıin qysqarǵan bolatyn. 26 naýryzdan bastap Almatyda avtobýs marshrýttary men metro keshki saǵat 19:00-ge deıin ǵana júretin bolady.
Mundaı sheshimdi búgin tótenshe jaǵdaı jónindegi Almatynyń jedel shtaby qabyldady.
Kezekti ret qoǵamdyq kólik jumysynyń monıtorıngi men taldaýy jolaýshylar aǵynynyń 70%-ǵa tómendegenin kórsetti. Osyǵan baılanysty tótenshe jaǵdaı rejımin qamtamasyz etý jónindegi Almatynyń jedel shtaby qalalyq avtobýs marshrýttary men metronyń jumys ýaqytyn qysqartý týraly sheshim qabyldady. Sonymen, qaladaǵy qoǵamdyq kólik saǵ. 06:00 men 19:00 arasynda jumys jasaıtyn bolady.
Aıta keterligi, buǵan deıin jolaýshylar aǵynynyń aıtarlyqtaı tómendeýine qaramastan, qala turǵyndarynyń erkin qozǵalýy úshin avtobýstar josparly 95% shyǵýmen shtattyq rejımde jumys isteýin jalǵastyrdy. Qalaaralyq jáne qala mańyndaǵy marshrýttardyń jumysy toqtatyldy.
ALMATY