Búgin 26 naýryzda, saǵat 18.40 kezinde Almatyda koronavırýs ınfeksııasyn juqtyryp alǵan 40 jaǵdaı tirkeldi. Bul jóninde Almaty ákimdiginiń baspasóz ortalyǵynda Qoǵamdyq densaýlyq basqarmasy basshysy Tileýhan Ábildaev habarlady.
Derti jańadan anyqtalǵan pasıentterge keletin bolsaq, 1995 jyly týǵan birinshi pasıent 21 naýryzda Nıý-Iork–Máskeý–Almaty reısimen ushyp kelgen.
Koronavırýsy jańadan rastalǵan kelesi adamdar buryn juqtyrǵan adamdarmen baılanysta bolǵandar. Barlyq pasıentterde qazirgi ýaqytta jaı-kúıi – qanaǵattanarlyq.
Qalalyq klınıkalyq juqpaly aýrýlar aýrýhanalarynda qazirgi ýaqytta 40 pasıent bar, onyń ishinde eki bala bar. 38 pasıenttiń jaı-kúıi – qanaǵattanarlyq, 1 balanyń jaǵdaıy ortasha dárejede, bireýinde – jaǵdaıy aýyr, entigýine baılanysty ókpeni jasandy jeldetý apparatynda jatyr.
1956 jyly týylǵan bul pasıenttiń jaı-kúıi ókpeniń sozylmaly obstrýktıvti aýrýynyń bolýymen baılanysty ekendigin esterińizge sala keteıik. Búgingi kúni provızorlyq gospıtaldarda karantınde 938 azamat, onyń ishinde 56 bala bar. Karantındegi barlyq adamnyń dene qyzýy qalypty jaǵdaıda.
Sondaı-aq, búgin, 26 naýryzda Qalalyq juqpaly aýrýlar aýrýhanasynan COVID-19 rastalǵan áıel emdelip shyǵaryldy. Ol koronavırýstyq ınfeksııany juqtyrǵandardyń Qazaqstanda alǵashqylardyń biri boldy. Pasıent shet elderde – eýropalyq elderdiń birinde koronavırýsty juqtyrǵan.
Ol vırýsqa qarsy em men sımptomatıkalyq terapııanyń tolyq kýrsyn aldy. Derti sımptomdarsyz ótip, vırýsqa qarsy emdi áıel jaqsy, birqalypty qabyldaǵan. Emdeý barysynda asqynýlar bolǵan joq. Alǵash jazylyp shyqqan almatylyqqa eki ret qatarynan analız jasalyp, eki retinde de baqylaý taldaýy koronavırýsqa teris nátıje kórsetti.
ALMATY