Búgin Turǵyn úı qurylys jınaq banki tótenshe jaǵdaı rejımine beıimdelgen, ıaǵnı óz klıentteri úshin qabyldanǵan 7 qadam týraly tómendegideı málimdeme mátinin jarııalady.
«Koronavırýs taralýynyń aldyn-alý maqsatynda tótenshe jaǵdaıdyń engizilýine baılanysty oryn alǵan jaǵdaıdy eskere otyryp, biz barlyq azamatty oqshaýlaný erejelerin saqtaýǵa shaqyramyz jáne kelesi habarlaımyz:
Qurmetti klıent!
Ýaqytsha qarjylyq qıyndyqqa ushyrasańyz, Turǵyn úı qurylys jınaq banki sizge 2020 jylǵy 16 naýryzdan keıin ótelýi tıis tólemdi 90 kúnge shegerýge múmkindik beredi. Shegerilgen tólemge negizgi qaryz da, nesıe syıaqysy da kiredi. Bul siz jazǵan ótinishtiń negizinde júzege asyrylady. О́tinishte keıinge shegerýdiń ne sebepti qajet bolǵanyn kórsetý kerek, biraq bank qosymsha rastaý qujattaryn talap etpeıdi. Tólemdi keıinge shegerý múmkindigi avtomatty túrde beriledi. Alaıda ótinishti dál osy sátte berýdiń qajeti joq, ony keıinirek jasaısyz. Qazir úıde otyrǵanyńyz jón. Tólemdi shegerý týraly ótinish Tótenshe Jaǵdaı aıaqtalǵan soń, ıaǵnı 2020 jylǵy 15 sáýirden bastap ınternet-bankıng arqyly qabyldanady. Barlyq ótinish maquldanady. Shegerýdi 2020 jylǵy 16 naýryzdan keıin ótelýi tıis tólemderge qatysty qoldanýǵa bolady. Onlaın-ótinish berý kezinde 2020 jyldyń 16 naýryzyndaǵy jaǵdaı boıynsha ýaqtyly ótelmegen nesıe tólemi bolmaýy kerek ekenin eskerińiz. Úıden shyqpaýdy jáne ýaıymdamaýdy ótinemiz, sebebi tólemdi keıinge shegerý nesıe merzimin 3 aıǵa uzartý arqyly júredi. Bul sizge aı saıynǵy tólem kólemin qalypty deńgeıde ustap qalýǵa kómektesedi. Aldyn-ala jáne aralyq zaem alýshylar turǵyn úı zaemyna ótý merzimi shegerý ýaqytyna uzartylatynyna eskerýi tıis. Sondaı-aq biz 2020 jylǵy 16 naýryz ben 16 maýsym aralyǵynda ýaqtyly ótelmegen tólemder boıynsha aıyppul jáne ósimpul qospaımyz. Osy úsh aı ishinde negizgi qaryz ben syıaqyny ózińizge yńǵaıly ýaqytta yńǵaıly kúni tolyq óteseńiz, tólemderdi keıinge shegerý týraly ótinish bermeı-aq, qolaıly nesıe óteý kestesin tańdap, aıdyń kez kelgen kúninde qaryzdy óteı alasyz. Muny úıden shyqpaı-aq onlaın jasaýǵa bolady. 2020 jylǵy 30 naýryzdan bastap karantın aıaqtalǵansha Qazaqstan aýmaǵyndaǵy barlyq fılıalda Turǵyn úı qurylys jınaq banki klıentterge qyzmet kórsetýdiń jańa nusqasyna ótedi. Biz bólimshelerde nesıe ótinishterin qabyldaýdy, postkredıt jáne postdepozıt operasııalardy ýaqytsha toqtatamyz. Bul kezde siz Bankke kelip, tek eki operasııany qoldana alasyz: depozıtti bólý/toqtatý arqyly aqshańyzdy alý, sondaı-aq zaemnyń bir bóligin jabý nemese ony tolyqtaı óteý. Bul operasııalardy paıdalaný úshin sizge bank saıtyndaǵy onlaın-brondaý arqyly aldyn-ala jazylý kerek. Basqa jaǵdaılarda koronavırýsty taratpaý maqsatynda sizge qyzmet kórsetýden bas tartýǵa májbúr bolamyz. Notarıýstardyń jumysyna tyıym salynbasa, 27 naýryz 18.00-ge deıin berilgen jáne maquldanǵan barlyq nesıe ótinishi klıentti telefonmen jeke habarlasyp shaqyrý arqyly beriletin bolady. Qazir biz 1000 shamasyndaǵy nesıe ótinishin qarastyryp jatyrmyz, 200 ótinish berilý kezeńinde. Karantın aıaqtalǵansha satyp alý-satý mámilesin jasaspaýǵa shaqyramyz, alaıda aýyryp qalý qaterinen de joǵary turǵan dúnıeler bolsa, nesıe ótinishińizdi qarastyryp, sońyna deıin júrgizip beremiz. Nesıe óteý jáne depozıt tolyqtyrý sizge yńǵaıly bolýy úshin qaladaǵy karantın rejıminde ashyq turǵan oryndarda ornalasqan tólem termınaldary isteıdi. Alaıda saýda-oıyn ortalyǵy men bazar izdep qalada júrmeı, tólemdi JSSB 24 ınternet-bankıngi arqyly júrgizýge shaqyramyz. Munda siz kez kelgen banktiń tólem kartasyn qoldana alasyz.Siz úıde qalady degen úmitpen biz bankte jumys istep jatyrmyz.
Baılanystyń bárin múmkindiginshe onlaın rejımde júrgizemiz jáne sizden klıentterge arnalǵan osy 7 qadamdy qoldaýdy suraımyz.
Biz birgemiz, sebebi óz úıimiz týraly armanymyz ortaq. Al alynbas qamal, álemdegi eń qaýipsiz oryn – basymyzdaǵy baspana ekeni belgili».
Izgi nıetpen, Turǵyn úı qurylys jınaq bankiniń Basqarma Tóraıymy Lázzat Ibragımova